Skip to main content

Բուժում - Օվուլյացիոն ցավեր

Ձվազատման (օվուլյացիոն) ցավի կամ միտելշմերցի հնարավոր բուժումները կարող են ներառել հետևյալը:

  • Ցավազրկողներ. դաշտանային ցիկլի մեջտեղում սկսվող ցավն ու անհարմարավետությունը թեթևացնելու համար փորձեք սովորական ցավազրկողներ, ինչպիսիք են Ացետամինոֆենը (Պարացետամոլ, Թայլենոլ և այլն), Ասպիրինը, Իբուպրոֆենը (Ադվիլ, Մոտրին IB և այլն) կամ Նապրոքսեն նատրիումը (Ալեվե):
  • Հղիության հսկողության հաբեր (բերանային հակաբեղմնավորիչներ). եթե ձվազատման ցավերը ձեզ մեծ անհանգստություն են պատճառում կամ առաջանում են ամեն ամիս, հարցրեք ձեր բժշկին հակաբեղմնավորիչ հաբեր ընդունելու մասին: Այս հաբերի որոշ տեսակներ ճնշում են ձվազատումը, ինչը կարող է դրանք ընդունելու ընթացքում օգնել թեթևացնելու ձվազատման ցավը:

Այնուամենայնիվ, կանանց մեծ մասը որևէ դեղամիջոց ընդունելու կարիք չի զգում կամ բավարարվում է տնային միջոցներով:

Հոդվածը հրապարակվել է՝ 31-05-2023
Վերջին վերանայում՝ 07-04-2024