Ֆիզիոթերապիա -

Ֆիզիոթերապևտը կարող է ձեր բուժմամբ զբաղվել, եթե ունեք ցավերի կամ տեղաշարժվելու հետ կապված որոշ խնդիրներ։

Նա կարող է օգնել ձեզ, որ դառնաք ավելի շարժունակ և զգաք ձեզ ավելի հարմարավետ։

Ի՞նչ է ֆիզիոթերապիան

Ֆիզիոթերապիան օգտագործում է ֆիզիկական մեթոդներ, որ բարելավվի ձեր շարժունակությունը, մեղմացվեն ձեր ցավերն ու մկանային կարկամությունը, արագացվի ապաքինման գործընթացները և բարձրավի ձեր կյանքի որակը։

Ֆիզիոթերապևտը հատուկ մասնագիտացված բժիշկ է, ով զբաղվում է ֆիզիոթերապևտիկ միջոցառումներով։

Ի՞նչ է անում ֆիզիոթերապևտը

Ֆիզիոթերապևտը կարող է՝

• մերսել ձեր մարմնի «հիվանդ» շրջանները
• նպատակասլաց կերպով «աշխատեցնել» ձեր հոդերը
• ձգել, թուլացնել կամ ամրապնդել ձեր մկանները
• խորհուրդ տալ բուժական վարժանքներ (բուժական ֆիզկուլտուրա)
• օգտագործել որոշ գործիքային մեթոդներ՝ ձեր առողջությունը բարելավելու, ապաքինումը կամ կազդրումը խթանելու համար (օրինակ՝ լուսաբուժություն)։

Ֆիզիոթերապևտը մինչև ձեր ֆիզիկական խնդրով զբաղվելը գնահատում է ձեր առողջությունը։ Նա կարող է խնդրել, որ ներկայացնեք ձեր հետազոտությունների եզրակացությունները, բուժման արձանագրությունները (էպիկիրզ) կամ ինքը առաջարկի որոշ լրացուցիչ հետազոտություններ։

Որոշ ֆիզիոթերապևտներ օգնում են երեխաներին, ովքեր ունեն շարժողական խնդիրներ։ Նրանք նաև սովորեցնում են ծնողներին, թե ինչպես կարելի է բարելավել իրենց երեխաների կյանքի որակը։

Ինչպե՞ս կարող է ֆիզիոթերապևտը օգնել ինձ

Ֆիզիոթերապևտը կարող է օգնել առողջական բազմաթիվ խնդիրների բուժմանը, այդ թվում՝

• մեջքի (թիկունքի և գոտկատեղի) և ծնկան ցավեր
• հոդաբորբեր
• նյարդամկանային ցավեր, ջլաերի պրկումներ և վնասվածքներ
• անմիզապահություն և անկղապահություն
• նյարդաբանական հիվանդություններ, ինչպիսիք են Պարկենսոնի հիվանդությունը և նևրալգիաները
• կոտրվածքից հետո վերականգում
• վիրահատությունից հետո վերականգնում
• երեխաների մոտ ֆիզիկական զարգացման հետաձգում
• զբաղվածության (աշխատանքային) առողջություն։

Ֆիզիոթերապիան կարող է նաև օգնել ապագա վնասվածքների ռիսկի նվազեցմանը։

Ի՞նչ պետք է հայտնել ֆիզիոթերապևտին

Ֆիզիոթերապևտին այցելելիս մանրակրկիտ կերպով ներկայացրեք ձեր բոլոր գանգատները, ախտանիշները, նախկին և ներկա հիվանդություններն ու վնասվածքները, ինչպես նաև ձեր ստացած կամ ընթացիկ բուժումները, այդ թվում՝ դեղերը։

Հարցրեք ֆիզիոթերապևտին նախատեսվող միջոցառման օգուտների, տևողության ու գնի, ինչպես նաև արդյունավետության և հնարավոր ռիսկերի մասին։

Տեղեկացրեք ֆիզիոթերապևտի խորհրդատվության ուղեգրած բժշկին ձեզ նշանակված ֆիզիոթերապևտիկ բուժման մեթոդի և տևողության մասին։