Սպտրեպտոկոկային վարակներ

2 րոպե

Ստրեպտոկոկային վարակները պատճառվում են ստրեպտոկոկ կոչվող բակտերիաների խմբով:

Ստրեպտոկոկային վարակները սովորաբար իրենցից ներկայացնում են առողջական փոքր խնդիրներ, որոնք հեշտությամբ բուժվում են հակաբիոտիկներով։ Այսպիսի հիվանդություններից են՝

• ըմպանի վարակներ, ինչպիսին է ստրեպտոկոկային կոկորդը (ֆարինգիտ)
• մաշկային վարակներ, ներառյալ՝ իմպետիգո, որն ավելի հաճախ հանդիպում է երեխաների մոտ և դրսևորվում է դեղնավուն կեղևակալած կարմրավուն բծերով և ցելյուլիտ (կարմիր քամի), որը սովորաբար դրսևորվում է ախտահարված մաշկի կարմրությամբ, տաքությամբ, ցավով և այտուցվածությամբ
• ականջի վարակ, որը հաճախ առաջացնում է ականջացավ, ջերմություն և լսողության խանգարումներ
• սինուսիտ (հարքթային ծոցերի վարակային բորբոքում)։

Ստրեպտոկոկը նաև կարող է առաջացնել քութեշ՝ մանկական վարակ, որն ընթանում վարդագույն-կարմիր ցանով։

Դուք կարող եք վարակվել ստրեպտոկոկով օդակաթիլային ճանապարհով՝ ներշնչելով հիվանդ մարդկանց հազալիս կամ փռշտալիս օդում հայտնված վարակված կաթիլները։

Ախտանիշները սովորաբար սկսում են 1-4 օրվա ընթացքում։ Եթե ձեր երեխան ունի ստրեպտոկոկային վարակ, ճիշտ կլինի, որ նա չհաճախի մսուր-մանկապարտեզ կամ դպրոց հակաբիոտիկներվ բուժումը սկսելուց առնվազն 24 ժամվա ընթացքում։

Ստրեպտոկոկերը հազվադեպ կարող են ավելի խորը ներթափանցել օրգանիզմ, առաջացնելով՝

• թոքաբորբ (պնևմոնիա)
• սեպսիս (արյան վարակ)
• մենինգիտ (ուղեղապատյանի վարակ)
• տոքսիկ շոկային համախտանիշ, երբ արյան հուն ներթափանցած թույներն առաջացնում են տենդ, սրտխառնոց և փսխումներ
• մաշկի ավելի խորը շերտերի ծանր վարակ, որն ընթանում է ախտահարված մաշկի սուր ցավերով և այտուցվածությամբ։

Ստերպտոկոկային վարակից հետո թեև հազվադեպ կարող են զարգանալ որոշ հիվանդություններ, այդ թվում՝ ռևմատիզմ և երիկամային խնդիրներ։