Ալբումինը մեզում - Սուբստրատներ

Միջազգային անվանում (հապավում). Urine Albumin (ALB-T/U)

Նկարագրություն

Մեզում ալբումինը կամ միկրոալբումինուրիան (ALB-T/U) հանդիսանում է երիկամային կծիկների ախտահարման մարկեր:

Ալբումինը (ALB) անածխածին սպիտակուց է, որ կազմում է արյան պլազմայի ընդհանուր սպիտակուցի (TP) 55-65%: Այն ապահովում է արյան պլազմայի օնկոտիկ (սպիտակուցներով պահպանվող) ճնշումը, ինչպես նաև մասնակցում է բազմաթիվ լիգանդների տեղափոխմանը և պահպանմանը: Միաժամանակ, ալբումինը էնդոգեն ամինաթթուների աղբյուր է:

Նորմայում երիկամները խոչընդոտում են մեզով շիճուկային ալբումինի կորուստը, թեև նորմալ մեզում ալբումինը կարող է հայտնվել չնչին՝ հետքային քանակներով: Մեզով ալբումինի կորուստը կանխարգելվում է վերջինիս մեծ չափսի (69 կԴալտոն), բացասական լիցք ունենալու և խողովակիկային վերաներծծման (ռեաբսորբցիա) շնորհիվ: Հակառակ վերոնշյալին, կծիկների չափսերի, ալբումինի լիցքի տեղաշարժերի կամ խողովակիկների ռեաբսորբցիոն ունակության խաթարման դեպքում մեզում ալբումինը կարող է ի հայտ գալ ավելի մեծ քանակներով:

Ալբումինի հեռացումը մեզով առավել ուժգնանում է հատկապես երիկամների կծիկային (գլոմերուլյար) գործառույթի խանգարման, քան խողովակիկների (տուբուլյար) ախտահարման ժամանակ: Ահա թե ինչու մեզում ալբումինը համարվում է նախ և առաջ երիկամների կծիկային գործունեության խանգարման (կծիկային դիսֆունկցիա) կարևոր մարկեր:

Մեզով ալբումինի հեռացման ոչ մեծ ուժգնացումը (20-200 մգ/օր), որը կոչվում է միկրոալբումինուրիա, հանդիսանում է դիաբետիկ նեֆրոպաթիայի վաղ ախտորոշման և վերահսկման բացառիկ օբյեկտիվ կլինիկական-ախտորոշիչ ցուցանիշ: Միկրոալբումինուրիան հանդիպում է 1-ին տիպի (ինսուլին-կախված) շաքարային դիաբետով հիվանդների շուրջ 40%-ի մոտ:

Այն հանդիսանում է նաև դիաբետիկ նեֆրոպաթիային սրտանոթային հիվանդությունների միացման ահազանգներից մեկը:

Այսպիսով, ալբումինուրիան հանդիսանում է շաքարային դիաբետ-նեֆրոպաթիա-հիպերտենզիա-ալբումինուրիա շղթայով զարգացող ախտաբանաֆիզիոլոգիական փոփոխությունների հետևանք:

Ցուցումներ

• դիաբետիկ նեֆրոպաթիայի վաղ ախտորոշում
• գլոմերուլոնեֆրիտ
• բարձր արյան ճնշում (հիպերտենզիա)
• երիկամի փոխպատվաստման հսկողություն

Կենսանմուշ

ALB-T/U թեսթի համար հանձնվող կենսանմուշն է՝ առավոտյան առաջին կամ 24-ժամյա մեզ։

Կենսանմուշի հանձնում

Այս թեստը հատուկ նախապատրաստում չի պահանջվում

Օրական մեզը հավաքելը

• Մեզը հավաքվում է մեկ օրվա ընթացքում: Առավոտյան մեզի առաջին չափաբաժինը թափվում է, իսկ հետագա 24 ժամվա ընթացքում մնացած չափաբաժինները հավաքվում է մեկ տարայի մեջ, որն ամբողջ ընթացքում պահպանվում է սառնարանային պայմաններում (+4…+8°С):
• Մեզը հավաքելու ավարտին մեզի ծավալը ճշտորեն չափվում է, ամբողջ պարունակությունը խառնվում է, որից որոշակի փոքր քանակություն վերցվում է ստերիլ փոքր տարայով:
• Լաբորատորիա բերվում է միայն ստերիլ փոքր տարան, այլ ոչ թե ամբողջ օրվա մեզը: Անհրաժեշտ է նշել նաև օրական մեզի ծավալը (դիուրեզ) միլիլիտրերով:

Չափման միավորներ

Միջազգային չափման միավոր (SI համակարգ)

մգ/24 ժամ (միլիգրամ/24 ժամ)

Այլընտրանքային չափման միավոր

մկմոլ/օր (միկրոմոլ/24 ժամ)

Նորմալ (ռեֆերենս) միջակայքեր

Համընդհանուր օգտագործվող միջակայքեր

մինչև 30 մգ/24 ժամ (կամ մինչև 20 մգ/լ)

Այլընտրանքային միջակայքեր (չափահասներ)

մինչև 0,456 մկմոլ/24 ժամ (կամ մինչև 0,304 մկմոլ/լ)

Արդյունքների մեկնաբանություն

ALB-T/U-ի մակարդակի բարձրացում (միկրոալբումինուրիա)

• բարձր արյան ճնշում (հիպերտենզիա)
• գլոմերուլոնեֆրիտ
• երիկամների բորբոքային հիվանդություններ
• երիկամային տրանսպլանտանտի պոկում
• կծիկային նեֆրոպաթիա
• շաքարային դիաբետ
• ֆրուկտոզի բնածին անտանելիություն (բնորոշ նշան է)
• ինտենսիվ ֆիզիկական աշխատանք
• հիպերթերմիա կամ հիպոթերմիա
• հղիություն
• կանգային սրտային անբավարարություն
• թունավորում ծանր մետաղներով
• սարկոիդոզ
• համակարգային կարմիր գայլախտ