Ընդհանուր նկարագրություն

Ալբումինը արյան պլազմայի հիմնական սպիտակուցն է:

Ալբումինի (Albumin) սինթեզն ընթանում է լյարդում: Նրա հարաբերական մոլեկուլյար զանգվածը 65000 Da (Դալտոն) է, իսկ կիսաքայքայման պարբերությունը՝ 18-20 օր: Ալբումինը պահպանում է պլազմայի կոլոիդ-օսմոտիկ (օնկոտիկ) ճնշումը, հետևաբար՝ շրջանառող արյան ծավալը: Հանդիսանում է արյան սպիտակուցների գլխավոր ռեզերվը և երկարատև քաղցի պայմաններում ծախսվում է առաջին հերթին:

Ալբումինն իրականացնում է տրանսպորտային ֆունկցիա՝ կապվելով ու տեղափոխելով բիլիռուբինը, լեղաթթուները, մետաղների իոնները (կալցիում), ազատ ճարպաթթուները և արտաքինից ստացվող դեղերը (օրիանակ՝ հակաբիոտիկներ, սալիցիլատներ): Ալբումինի մակարդակը քիչ ցածր է վաղ տարիքի երեխաների, հղի կանանց (հատկապես հղիության երրորդ եռամսյակում), լակտացիայի, ինչպես նաև ծխողների մոտ:

Հիպոալբումինեմիան առաջ է բերում արյան ընդհանուր կալցիումի մակարդակի նվազեցում` ի հաշիվ ալբումինի հետ կապված կալցիումի ֆիզիոլոգիական ոչ ակտիվ մասի, թեև կալցիումի դեֆիցիտը կլինիկորեն չի դրսևորվում:

Ալբումինի հետ կապող դեղերի (օրինակ՝ կորտիկոստերոիդներ) ազդեցությունը հիպոալբումինեմիայի ժամանակ կարող է ուժեղանալ, և արդյունքում դրանց սովորական դեղաչափերը կարող են դրսևորել տոքսիկ ազդեցություններ:

Հետազոտության ցուցումներ

  • սուր և քրոնիկ վարակներ
  • կոլագենոզներ
  • լյարդի ախտահարումներ
  • երիկամների ախտահարումներ
  • օնկոլոգիական հիվանդություններ
  • սնուցման խանգարումներ
  • ջերմային այրվածքներ

Կենսանմուշ

«Ալբումին» թեսթի համար հանձնվող կենսանմուշն է՝ երակային արյուն։

Կենսանմուշի հանձնում

Արյունը պետք է հանձնել առավոտյան ժամերին, ժամը 8-11-ի սահմաններում, քաղցած վիճակում (ցանկալի է սննդի վերջին ընդունումը ոչ պակաս, քան 8 ժամ և ոչ ավելի, քան 14 ժամ առաջ): Ջրի ընդունումը՝ սովորական ռեժիմով: Նախորդ օրը խուսափել սննդային ծանրաբեռնվածությունից:

Չափման միավորներ

Միջազգային չափման միավոր (SI համակարգ)

գ/լ (գրամ/լիտր)

Այլընտրանքային չափման միավոր

գ/դլ (գրամ/դեցիլիտր)

Միավորների փոխակերպում

գ/դլ х 10 = գ/լ

Նորմալ (ռեֆերենս) միջակայքեր

Համընդհանուր օգտագործվող միջակայքեր

  • Չափահասներ` (35‑52) գ/լ
  • Երեխաներ 14-18 տ. (32‑45) գ/լ
  • Երեխաներ < 14 տ. (38‑54) գ/լ

Այլընտրանքային միջակայքեր

Տարիք Ալբումին, գ/լ
Նորածին, մինչև 4 օր. 28 - 44
Երեխաներ, 4 օր. - 14 տ. 38 - 54
Երեխաներ, 14 - 18 տ. 32 - 45

Արդյունքների մեկնաբանություն

Ալբումինի մակարդակի բարձրացում (հիպերալբումինեմիա)

  • ջրազրկում և արյան խտացում (ծանր լուծ, խոլերա, անզուսպ փսխումներ աղիքային անանցանելիության ժամանակ, տարածուն այրվածքներ)

Ալբումինի մակարդակի նվազեցում (հիպոալբումինեմիա)

Լյարդում ալբումինի սինթեզի ընկճում
Սննդի միջոցով անբավարար մուտք օրգանիզմ
  • սովահարություն, կախեքսիա, սպիտներով կամ չբալանսավորված ամինաթթուներով աղքատ սննդակարգ
  • մալաբսորբցիայի համախտանիշ` գաստրոէնտերոպաթիաներ և ստամոքսաղիքային այլ հիվանդություններ
Օրգանիզմի սպիտակուցների կորուստ
Ալբումինների ինտենսիվացած կատաբոլիզմ

Միջազգային անվանումներ

Միջազգային (անգլերեն) լրիվ անվումը՝ Albumin

Միջազգային (անգլերեն) հապավումը՝ ALB