Միջազգային անվանում (հապավում). Apolipoprotein A-1 (ApoA1)
Նկարագրություն
Ապոլիպոպրոտիեն A1-ն (ApoA1) արտացոլում է բարձր խտության լիպոպրոտեիդների (HDL) հակաաթերոգեն ակտիվությունը և սրա շնորհիվ հանդիսանում է սրտանոթային հիվանդությունների զարգացման ռիսկի մարկեր:
ApoA1-ը HDL-խոլեսթերինի հիմնական սպիտակուցն է: ApoA1-ի նորմալ մակարդակն ապահովում է սրտի պսակային և գլխուղեղի զարկերակների ախտահարման ռիսկը, իսկ ApoA1-ի մակարդակի նվազեցումը, հակառակը, բարձրացնում է նույն և մյուս անոթների աթերոսկլերոտիկ ախտահարման ռիսկը:
ApoA1-ն արտադրվում է լյարդում և աղիներում: Աղիներից խիլոմիկրոնների կազմի մեջ անցնելով արյան հուն, ApoA1-ը կուտակվում է HDL-ում:
ApoA1-ը կարևոր նշանակություն ունի HDL-խոլեսթերինի կառուցվածի պահպանման մեջ, քանի որ բարելավում է վերջինիս լուծելիությունը և արյան միջոցով տեղափոխումը: ApoA1-ի կարևորագույն գործառույթը լեյցիտին խոլեսթերոլ-ացիլտրանսֆերազի (ԼԽԱՏ) ակտիվացումն է, որի շնորհիվ ազատ խոլեսթերինը հեռացվում արտալյարդային հյուսվածքներից:
Այսպիսով, ApoA1-ը մասնակցում է HDL-խոլեսթերինի հակաաթերոսկլերոտիկ գործառույթին՝ խոչընդոտելով խոլեսթերինի կուտակումն անոթների աթերոսկլերոտիկ վահանիկներում: ApoA1-ի մակարդակի որոշումը կարևորվում է արյան հակաաթերոսկլերոտիկ ակտիվությունը և սրտի իշեմիկ հիվանդության զարգացման ռիսկը գնահատելիս:
Լաբորատոր բաժնի հովանավոր
Այցելեք Յունիմեդ բժշկական կենտրոն ճշտգրիտ ախտորոշում ստանալու համար:
Ցուցումներ
- սրտի պսակային զարկերակների աթերոսկլերոզի ռիսկի գնահատում
- ուղեղային անոթների աթերոսկլերոզի ռիսկի գնահատում
- լիպիդային փոխանակության ժառանգական խանգարումների ախտորոշում
Կենսանմուշ
ApoA1 թեսթի համար հանձնվող կենսանմուշն է՝ երակային արյուն։
Կենսանմուշի հանձնում
Կենսանմուշը պետք է հանձնել քաղցած վիճակում՝ սննդի վերջին ընդունումից առնվազն 8-14 ժամ հետո: Հետազոտության նախորդ օրը պետք է բացառել հոգեհուզական և ֆիզիկական ծանրաբեռվածությունները (օրինակ՝ մարզական վարժանքներ և այլն) և ալկոհոլի ընդունումը:
Լրացուցիչ տեղեկատվություն և օգնություն
Չափման միավորներ
Միջազգային չափման միավոր (SI համակարգ)
գ/լ (գրամ/լիտր)
Նորմալ (ռեֆերենս) միջակայքեր
| Տարիք | Սեռ, ApoA1 գ/լ |
|---|---|
| 0 - 12 ամս. | Արական՝ 0,61 – 1,64 |
| Իգական՝ 0,59 – 1,69 | |
| 12 ամս. - 12 տ. | Արական՝ 0,93 – 1,72 |
| Իգական՝ 0,86 – 1,79 | |
| 12 - 60 տ. | Արական՝ 0,95 – 1,86 |
| Իգական՝ 1,01 – 2,23 | |
| > 60 տ. | Արական՝ 0,73 – 1,86 |
| Իգական՝ 0,91 – 2,24 |
Արդյունքների մեկնաբանություն
ApoA1-ի մակարդակի բարձրացում
- ժառանգական հիպեր-ալֆապրոտեինեմիա
- խոլեսթերինի եթերների տեղափոխման սպիտակուցի ժառանգական դեֆիցիտ
- մարմնի կշռի նվազում
- որոշ դեղերի ընդունում՝ էստրոգեններ, ստատիններ, Նիացին, Ֆենոբարբիտալ, Ֆենիթոին, Պրեդնիզոլոն
- սրտամկանի ինֆարկտ
- սնունդ ընդունելուն հաջորդող լիպեմիա
- ալկոհոլի ոչ մեծ քանակների ընդունում
- հղիություն
ApoA1-ի մակարդակի նվազեցում
- ընտանեկան հիպո-ալֆալիպոպրոտեինեմիա (Տանժերի հիվանդություն)
- ապոА1-ի ժառանգական տեսակներ
- լեյցիտին-խոլեսթերոլ ացետիլտրանսֆերազի ժառանգական դեֆիցիտ
- սրտի պսակային և ուղեղային զարկերակների աթերոսկլերոզ
- դեկոմպենսացված շաքարային դիաբետ
- վարակային հիվանդություններ
- հեպատոցելուլյար խանգարումներ, լեղու կանգ
- նեֆրոտիկ համախտանիշ, քրոնիկ երիկամային անբավարարություն
- հիպերտրիգլիցերիդեմիա
- ուռուցքային հիվանդություններ
- սուրփուլային բորբոքային պատասխան
- քրոնիկ պանկրեատիտ
- ամբողջական պարէնտերալ սնուցում
- ծխախոտի օգտագործում
Վարվեք այս կերպ
Լաբորատոր թեստի արդյունքների մեկնաբանումը վստահեք ձեր բժշկին: Նա ձեզ կբացատրի յուրաքանչյուր ցուցանիշը և դրա շեղման հնարավոր պատճառը:
Մի՛ փորձեք
Ինքնուրույն վերլուծել ձեր պատասխանները և, առավել ևս, ինքնուրույն փոխել ձեր դեղամիջոցները կամ դրանց դեղաչափերը:
Հոդվածը հրապարակվել է՝ 19-04-2019
Վերջին վերանայում՝ 01-06-2023