Հակաստրեպտոլիզին Օ

Ընդհանուր նկարագրություն

Հակաստրեպտոլիզին Օ-ն օրգանիզմում ստրեպտոկոկային վարակի առկայության մարկերն է:

Հակաստրեպտոլիզին Օ-ն (Anti-streptolysin O, ASO) հանդիսանում է Ա խմբի բետա-հեմոլիտիկ ստրեպտոկոկի հակածնի՝ ստրեպտոլիզինի նկատմամբ հակամարմին: Այն ռևմատիզմի լաբորատոր ախտորոշման չափորոշիչներից է:

ASO-ի բարձրացումը վկայում է ստրեպտոկոկային հակածինների նկատմամբ օրգանիզմի գերզգայունության (սենսիբիլիզացիա) մասին: Ռեկովալեսցենցիայի փուլում՝ սուր փուլի հետ համեմատած ASO-ի մակարդակը նվազում է, ուստի այս թեստից կարելի է օգտվել ռևմատիկ բորբոքման ընթացքը վերահսկելու և ակտիվության աստիճանը գնահատելու համար:

ASO-ի ախտորոշիչ և պրոգնոստիկ նշանակությունն առավելագույնս ի հայտ է գալիս մինչև 1 շաբաթյա ընդմիջումներով կրկնակի հետազոտությունների շղթայում: Դրան հակառակ, ASO-ի միանգամյա հետազոտությունն ունի ցածր ինֆարմատիվություն:

ASO-ի հետազոտությունը կիրառվում է նաև ռևմատիզմի և ռևմատոիդ արթրիտի միջև տարբերակիչ ախտորոշում անցկացելիս. երկրորդ դեպքում ASO-ի բարձրացումը զգալիորեն ավելի թույլ արտահայտված է:

ASO-ի թեստը կարող է դրական արդյունք տալ նաև ստրեպտոկոկկեր կրող գործնականում առողջ մարդկանց մոտ:

Հետազոտության ցուցումներ

• ստրեպտոկոկային ծագման հիվանդություններ (կարմիր քամի, օտիտներ, քութեշ, թարախաբորբոքային հիվանդություններ)
• ստրեպտոկոկային վարակների բարդություններ՝ ռևմատիզմ, գլոմերուլոնեֆրիտ, միոկարդիտ և այլն

Կենսանմուշ

«Հակաստրեպտոլիզին Օ» թեսթի համար հանձնվող կենսանմուշն է՝ երակային արյուն։

Կենսանմուշի հանձնում

Կենսանմուշը պետք է հանձնել նստած կամ պառկած դիրքում, քաղցած վիճակում: Սննդի վերջին ընդունումը՝ ոչ պակաս, քան 8 ժամ, ցանկալի է՝ 12 ժամ առաջ: Բացառել հյութերը, թեյը, սուրճը (հատկապես՝ շաքարով): Կարելի է ընդունել ջուր:

Չափման միավորներ

Միջազգային չափման միավոր (SI համակարգ)

• Որպես ագլյուտինացիոն թեստ՝ չափման միավոր չունի
• Որպես քանակական թեստ՝ մՄ/մլ (միլի միավոր/մլ)

Նորմալ (ռեֆերենս) միջակայքեր

Համընդհանուր օգտագործվող միջակայքեր

• Որպես ագլյուտինացիոն թեստ՝ բացասական
• Որպես քանակական թեստ՝ մինչև 200 մՄ/մլ

Արդյունքների մեկնաբանություն

ASO մակարդակի բարձրացում կամ դրական պատասխան

• ռևմատիզմ (սուր ռևմատիկ տենդի ժամանակ բարձրանում է հիվանդների 85%-ի մոտ)
• քութեշ
• ստրեպտոկոկային վարակներ (անգինա, քրոնիկ տոնզիլիտ, պիոդերմիա, օստեոմիելիտ)
• սուր դիֆուզ գլոմերուլոնեֆրիտ

Միջազգային անվանումներ

Միջազգային (անգլերեն) լրիվ անվումը՝ Anti-streptolysin O

Միջազգային (անգլերեն) հապավումը՝ ASO