Միջազգային անվանում (հապավում). Carbohydrate (Cancer) Antigen 72-4 (СА 72-4)

Նկարագրություն

Ածխաջրատային (քաղցկեղային) հակածին 72-4-ը (СА 72-4) օնկոֆետալ հակածին է և ոչ սպեցիֆիկ ուռուցքային մարկեր, որն օգտագործվում է ստամոքսի և ձվարանների քաղցկեղի հսկողության համար:

СА 72-4-ը բարձրմոլեկուլյար գլիկոպրոտեին է (մոլեկուլյար զանգվածը՝ 230-1000 կիլոԴալտոն): Այն հանդիսանում է էպիթելիումի մակերևույթի բաղադրիչ մասը և հայտնաբերվում է պտղի ստամոքսաղիքային խողովակում: Չափահաս մարդկանց մոտ նույն հակածինը հանդիպում է տարատեսակ կարցինոմաների էպիթելիալ հյուսվածքներում՝ հաստ աղիներ, թոքեր, ձվարաններ, արգանդի լորձաթաղանթ (էնդոմետրիում), ենթաստամոքսային գեղձ (պանկրեաս), ստամոքս և կրծքագեղձեր:

Նորմայում СА 72-4-ն առողջ հյուսվածքներում գործնականում չի հայտնաբերվում: Արյան պլազմայում СА 72-4-ի մակարդակի բարձրացում դիտարկվում է՝

ստամոքսաղիքային խողովակի քաղցկեղների ժամանակ՝ 40% դեպքերում
թոք քաղցկեղի ժամանակ՝ 36% դեպքերում
ձվարանների քաղցկեղի ժամանակ՝ 24% դեպքերում
տարաբնույթ բարորակ հիվանդությունների ժամանակ՝ 6,7% դեպքերում (պանկրեատիտներ, լյարդի ցիռոզ, թոքային հիվանդություն, ձվարանների բարորակ հիվանդություններ և կիստաներ, ռևմատիկ հիվանդություններ և այլն):

СА 72-4-ը գերազանցապես նշանակվում է կարծինոէմբրիոնալ հակածնի (CEA) կամ քաղցկեղային հակածին 19-9-ի (СА-19-9) հետ զուգակցված` ստամոքսի քաղցկեղի ընթացքը և բուժումը վերահսկելիս, և ածխաջրատային (քաղցկեղային) հակածին 125-ի (СА-125) հետ զուգակցված` ձվարանների քաղցկեղի վերահսկման մեջ: Նման դեպքերում թեստի ախտորոշիչ զգայունությունը զգալիորեն բարելավվում է:

Լաբորատոր բաժնի հովանավոր

Այցելեք Յունիմեդ բժշկական կենտրոն ճշտգրիտ ախտորոշում ստանալու համար:

Ցուցումներ

կլինիկական հետազոտությունների հետ միասին՝ ստամոքսի և ձվարանների քաղցկեղի առաջնային ախտորոշում և հիվանդության ընթացքի ու ելքի կանխատեսում
ստամոքսի, ձվարանների և կոլոռեկտալ քաղցկեղների վիրաբուժական բուժման արդյունավետության գնահատում և հետվիրահատական ընթացքի հսկողություն (նախնական բարձր ցուցանիշների պայմաններում)

Կենսանմուշ

СА 72-4 թեսթի համար հանձնվող կենսանմուշն է՝ երակային արյուն։

Կենսանմուշի հանձնում

Կենսանմուշը պետք է հանձնել առավոտյան ժամերին, քաղցած վիճակում: Սննդի վերջին ընդունումը՝ ոչ պակաս, քան 8 ժամ, ցանկալի է՝ 12 ժամ առաջ: Պետք է բացառել հյութերը, թեյը, սուրճը (հատկապես՝ շաքարով): Կարելի է ընդունել ջուր:

Եթե հետազոտվողը ստանում է մեծ դեղաչափերով բիոտին (> 5 մգ/օր), հետազոտությունը պետք է իրականացնել այս դեղի վերջին ներմուծումից առնվազն 8 ժամ անց:

Լրացուցիչ տեղեկատվություն և օգնություն

Ինչպե՞ս նախապատրաստվել լաբորատոր հետազոտությանը

Չափման միավորներ

Միջազգային չափման միավոր (SI համակարգ)

Մ/մլ (միավոր/մլ)

Նորմալ (ռեֆերենս) միջակայքեր

Համընդհանուր օգտագործվող միջակայքեր

< 6,9 Մ/մլ

Արդյունքների մեկնաբանություն

CA 72-4-ի մակարդակի բարձրացում

ստամոքսի, ձվարանների, կրծքագեղձի, հաստ աղիքի, թոքի, արգանդի լորձաթաղանթի (էնդոմետրիում), ենթաստամոքսային գեղձի քաղցկեղներ
բարորակ հիվանդություններ՝ պանկրեատիտ, լյարդի ցիռոզ, թոքային հիվանդություն, ձվարանների բարորակ հիվանդություններ, ձվարանների կիստաներ, ռևմատիկ հիվանդություններ, գինեկոլոգիական հիվանդություններ, ստամոքսաղիքային խողովակի բարորակ հիվանդություններ

Թեստի արդյունքները էապես կախված են լաբորատոր մեթոդից, ուստի ժամանակի ընթացքում CA 72-4-ի փոփոխությունների դինամիկան հսկելիս անհրաժեշտ է հիմնվել նույն լաբորատորիայի նույն մեթոդով իրականացված թեստերի արդյունքների վրա: