Խոլինէսթերազ - Ֆերմենտներ

Միջազգային անվանում (հապավում). Cholinesterase (CHE)

Նկարագրություն

Խոլինէսթերոզը (CHE) ֆերմենտ է, որը մասնակցում է խոլինի տարբեր եթերների հիդրոլիզին, ինչպիսիք են ացետիլխոլինը և բուտիրիլխոլինը:

Խոլինէսթերազը (մյուս անվանումները՝ S-պսևդոխոլինէսթերազ, ացետիլխոլին-ացիլհիդրոլազ) սինթեզվում է լյարդում: Այս ֆերմենտով առավել հարուստ են նյարդային և մկանային հյուսվածքները: Խոլինէսթերազը մասնակցում է արյան և կմախքային մկանների բջջաթաղանթներով իոնների տեղափոխմանը, ինչպես նաև հարթ մկանների և սրտամկանի գրգռողականության և կծկողունակության կարգավորմանը:

Արյան խոլինէսթերազի մակարդակն օգտագործում են որպես լյարդի սինթետիկ ակտիվության ցուցանիշ: Ֆերմենտի ակտիվության նվազեցումը, որպես կանոն, ուղեկցվում է ալբումինի մակարդակի նվազեցմամբ և տրանսամինազների ակտիվության աճով: Արյան խոլինէսթերազի ակտիվության վերականգնումը վկայում է լյարդի ֆունկցիայի վերականգնման մասին:

Ցուցումներ

• ֆոսֆորօրգանական նյութերով հնարավոր թունավորման ախտորոշում
• լյարդի ախտահարման դեպքում լյարդի գործառույթի գնահատում (ախտորոշում և վերահսկում)
• վիրաբուժական միջամտությունների բարդությունների ռիսկի գնահատում, միոռելաքսանտների նկատմամբ հիվանդների զգայունության գնահատում

Կենսանմուշ

CHE թեսթի համար հանձնվող կենսանմուշն է՝ երակային արյուն։

Կենսանմուշի հանձնում

Կենսանմուշը պետք է հանձնել առավոտյան ժամը 8-11 սահմաններում, քաղցած վիճակում: Սննդի վերջին ընդունումը՝ ոչ պակաս, քան 8 ժամ, ցանկալի է՝ 12 ժամ առաջ: Պետք է բացառել հյութերը, թեյը, սուրճը (հատկապես՝ շաքարով): Կարելի է ընդունել ջուր:

Չափման միավորներ

Միջազգային չափման միավոր (SI համակարգ)

Մ/լ (միավոր/լիտր)

Նորմալ (ռեֆերենս) միջակայքեր

Համընդհանուր օգտագործվող միջակայքեր

• տղամարդիկ՝ 5800-14600 Մ/լ
• կանայք՝ 5860-11800 Մ/լ

Արդյունքների մեկնաբանություն

CHE-ի մակարդակի (ակտիվության) բարձրացում

• IV տիպի հիպերլիպոպրոտեինեմիա
• նեֆրոզ
• գիրացում
• գիրացում շաքարային դիաբետի դեպքում
• էքսուդատիվ էնտերոպաթիա
• հոգեկան հիվանդություններ
• ալկոհոլիզմ
• չկոմպենսացված շաքարային դիաբետ
• հղիություն (սկզբնական փուլեր)

CHE-ի մակարդակի (ակտիվության) նվազեցում

• լյարդի ախտահարումներ՝ ցիռոզ, հեպատիտ, մետաստատիկ քաղցկեղ, կանգային լյարդ (հանդիսանում է սրտային անբավարարության անբարենպաստ պրոգնոստիկ ցուցանիշ)
• սուր և քրոնիկ թունավորում ֆոսֆորօրգանական նյութերով (քլորոֆոս, դիխլոֆոս)
• սրտամկանի ինֆարկտ
• պլազմոֆերեզ
• հղիության ուշ փուլեր
• հիպոալբումինեմիա (օրինակ՝ մալաբսորբցիայի համախտանիշի դեպքում)
• միոռելաքսանտների կիրառմամբ վիրաբուժական միջամտություններ
• խոլինէսթերազի սինթեզի ժառանգական խանգարումներ