Քլոր (իոնական)

Միջազգային անվանում (հապավում). Chloride (Сl-)

Նկարագրություն

Քլորիդն արտաբջջային հեղուկների և ստոմոքսահյութի հիմնական անիոնն է:

Քլորի իոնները (Chloride, Сl^-) կարևոր դեր են խաղում թթվահիմնային հավասարակշռության և օսմոտիկ ճնշման պահպանման, ինչպես նաև օրգանիզմում ջրի հավասարակշռության ապահովման մեջ: Կենսաբանական միջավայրերում հիմնականում հանդիպում է քլորի անիոնային ձևը:

Քլորի իոններ առկա են ինչպես արյան պլազմայում, այնպես էլ ավիշում և ողնուղեղային հեղուկում: Արյան պլազմայում (շիճուկում) քլորիդի մակարդակը կախված է հետևյալ գործընթացների միջև հավասարակշռությունից

• քլորիդի մուտք օրգանիզմ
• տեղաբաշխում օրգանիզմում
• հեռացում երիկամներով, քրտնագեղձերով և կղանքով:

Նատրիումի իոնների մակարդակի փոփոխությունը հանգեցնում է քլորիդային անիոնի մակարդակի փոփոխության:

Քլորիդների կորուստը բերում է արյան (իմնայնացման (ալկալոզ), իսկ ավելցուկային ընդունումը՝ թթվայնացման (ացիդոզ):

Ցուցումներ

• տարբեր հիվանդությունների ժամանակ թթվահիմնային հավաստարակշռության դինամիկ վերահսկում
• երիկամային հիվանդություն
• ոչ շաքարային դիաբետ
• մակերիկամների հիվանդություն

Կենսանմուշ

Сl- թեսթի համար հանձնվող կենսանմուշն է՝ երակային արյուն։

Կենսանմուշի հանձնում

Արյունը պետք է հանձնել առավոտյան ժամերին, ժամը 8-11-ի սահմաններում, քաղցած վիճակում (ցանկալի է սննդի վերջին ընդունումը ոչ պակաս, քան 8 ժամ և ոչ ավելի, քան 14 ժամ առաջ): Ջրի ընդունումը՝ սովորական ռեժիմով: Նախորդ օրը պետք է խուսափել սննդային ծանրաբեռնվածությունից:

Չափման միավորներ

Միջազգային չափման միավոր (SI համակարգ)

մմոլ/լ (միլիմոլ/լիտր)

Այլընտրանքային չափման միավոր

մգ/դլ (միլիգրամ/դեցիլիտր)

Միավորների փոխակերպում

մգ/դլ x 0,25 = մմոլ/լ

Նորմալ (ռեֆերենս) միջակայքեր

Համընդհանուր օգտագործվող միջակայքեր

Տարիք	Сl-, մմոլ/լ
1 օր.-4,3 շաբ.	98-113
4,3 շաբ.-90 տ.	98-107
> 90 տ.	98-111

Արդյունքների մեկնաբանություն

Քլորի մակարդակի բարձրացում (հիպերքլորեմիա)

• ջրազրկում՝ կապված օրգանիզմ ջրի անբավարար մուտքի հետ
• սուր երիկամային անբավարարություն, երբ քլորիդների պահանջարկը գերակշռում է էքսկերցիային (անուրիա, օլիգուրիա)
• ոչ շաքարային դիաբետ
• կորտիկոստերոիդներով բուժում
• շնչառական ալկալոզ
• մակերիկամների կեղևի հիպերֆունկցիա

Քլորի մակարդակի նվազեցում (հիպոքլորեմիա)

• ուժեղացած քրտարտադրություն (սեկրետոր դիսֆունկցիաներ և հորմոնային անհավասարակշռություն)
• միզամուղների գերդոզավորում
• շնչառական և մետաբոլիկ ացիդոզ
• հեղուկների կորուստ փսխումների, փորլուծության ժամանակ
• ալդոստերոնիզմ
• երիկամային անբավարարության պոլիուրիկ փուլ
• գլխի տրավմաներ
• ջրային ինտոքսիկացիա և արտաբջջային հեղուկների ծավալի մեծացում
• փորլուծություն առաջացնող դեղերի ընդունում