Գլյուկոզան մեզում

Միջազգային անվանում (հապավում). Urine Glucose (GLU/U)

Նկարագրություն

Մեզում գլյուկոզի (GLU/U) հայտնվելը սովորաբար մեկնաբանվում է որպես ածխաջրատային փոխանակության խանգարման ցուցանիշ:

Գլյուկոզը (GLU) հանդիսանում է այսպես կոչված շեմքային նյութ, ինչը նշանակում է, որ այն մեզով սկսում է արտազատվել միայն արյան շիճուկում որոշակի շեմքային մակարդակի հասնելուց հետո: Նորմայում մեզում գլյուկոզը բացակայում է կամ հայտնաբերվում նվազագույն քանակներով (մինչև 2,7 մմոլ/օր կամ մինչև 1,1 մմոլ/լ):

Արյան շիճուկում գլյուկոզի 10 մմոլ/լ կամ ավելի բարձր մակարդակի պայմաններում կամ երիկամային շեմքի նվազեցման դեպքում (երիկամային խողովակիկների վնասում) գլյուկոզը հայտնվում է մեզում: Այն կարող է լինել սննդային (ածխաջրատների չափից դուրս ընդունում), սթրեսի ժամանակ, հղիության ընթացքում, վատ վերահսկվող դիաբետի դեպքում և այլն:

Ցուցումներ

• դիաբետ (շաքարային, երիկամային, ստերոիդ)
• երիկամների ախտահարում
• սուր որովայն
• որոշ թունավորումներ
• գերակտիվ վահանաձև գեղձ (թիրեոտոքսիկոզ)

Կենսանմուշ

GLU/U թեսթի համար հանձնվող կենսանմուշն է՝ առավոտյան 1-ին մեզ, 24-ժամյա մեզ։

Կենսանմուշի հանձնում

Հատուկ նախապատրաստում չի պահանջում:

Օրական (24-ժամյա) մեզի հավաքման պայմաններ

• Մեզը հավաքվում է 24 ժամվա ընթացքում: Առավոտյան առաջին մեզը թափվում է, իսկ 24 ժամվա ընթացքում մեզի մնացած չափաբաժինները հավաքվում է նույն տարայի մեջ, որը նույն ամբողջ օրվա ընթացքում պահպանվում է սառնարանային պայմաններում (+4… +8°С):
• Օրական մեզի ամբողջ քանակը հավաքելուց հետո, չափվում է ընդհանուր մեզի ծավալը, որից հետո տարան խառնվում է, որից մինչև 20-30 մլ մեզ դատարկվում է ստերիլ փոքր մեզի տարայի մեջ: Վերջինս կիպ փակվում է և տեղափոխվում լաբորատորիա:
• Լաբորատորիա փոքր տարայով մեզը բերելուց պետք է աշխատակցին նաև տեղեկացնեք 24 ժամվա ընթացքում միզած և հավաքած մեզի ընդհանուր ճշգրիտ ծավալը՝ միլիլիտրերով:

Չափման միավորներ

Միջազգային չափման միավոր (SI համակարգ)

• Առավոտյան 1-ին մեզ՝ մմոլ/լ (միլիմոլ/լիտր)
• 24-ժամյա (օրական) մեզ՝ մմոլ/24 ժ. (միլիմոլ/24 ժամ) կամ մմոլ/օր

Այլընտրանքային չափման միավոր

• 24-ժամյա (օրական) մեզ՝ գ/24 ժ. (գրամ/24 ժամ) կամ գ/օր

Միավորների փոխակերպում

գ/օր х 5,55 = մմոլ/օր

Նորմալ (ռեֆերենս) միջակայքեր

Համընդհանուր օգտագործվող միջակայքեր

• Առավոտյան 1-ին մեզ՝ (0,3-1,1) մմոլ/լ
• 24-ժամյա (օրական) մեզ՝ < 2,7 մմոլ/24 ժ.

Արդյունքների մեկնաբանություն

GLU/U-ի մակարդակի բարձրացում (գլյուկոզուրիա)

• շաքարային դիաբետ
• սուր պանկրեատիտ
• գերակտիվ վահանաձև գեղձ (թիրեոտոքսիկոզ)
• երիկամային դիաբետ
• ստերոիդային դիաբետ (դիաբետների կողմից անաբոլիկների ընդունում)
• Մորդինով, Ստրիխնինով, ֆոսֆորով սուր թունավորում
• դեմպինգ-համախտանիշ
• Քուշինգի համախտանիշ
• սրտամկանի ինֆարկտ
• ֆեոքրոմոցիտոմա
• տարածուն վնասվածքներ և այրվածքներ
• երիկամների տուբուլոինտերստիցիալ ախտահարում