Լաբ թեստեր

Հելիկոբակտեր պիլորի հակածին

Helicobacter pylori Antigen

Միջազգային անվանում (հապավում). HB Pil Ag (Helicobacter pylori Antigen)

Նկարագրություն

Հելիկոբակտեր պիլորին (H. pylori) պարույրաձև բակտերիա է, որն ապրում է ստամոքսի լորձաթաղանթի վրա՝ ամրանալով էպիթելի թավիկներին:

H. Pylori-ն հանդիսանում է 12-մատնյա աղու խոցի 90%-ի և ստամոքսի խոցի 80%-ի պատճառը: H. Pylori-ի հետազոտության կարևորությունն աճում է բակտերիայի առկայության և ստամոքսի և 12-մատնյա աղու այնպիսի հաստատված հիվանդությունների միջև հզոր փոխկապվածությամբ, ինչպիսիք են գաստրիտը, պեպտիկ խոցը և ստամոքսի կարցինոման:

Կղանքի նմուշները կարող են հետազոտվել հիվանդության սրացման շրջանում: Հիվանդությունը սկսվելուց հետո կղանքի նմուշի վերցման վերաբերյալ որևէ ժամանակային պահանջ չկա։

Ցուցումներ

  • ստամոքս-աղիքային ուղու հիվանդություններ, ինչպիսիք են գաստրիտը և խոցային հիվանդությունը
  • քաղցկեղային հիվանդությունների կասկած

Կենսանմուշ

Helicobacter pylori Antigen թեսթի համար հանձնվող կենսանմուշն է՝ կղանք։

Կենսանմուշի հանձնում

Կղանքը հավաքվում է մեկանգամյա ստերիլ տարայում՝ վերջինիս 1/3 չափով: Պահպանումը՝ +2 մինչև +8° C: Կենսանմուշը պետք է տանել լաբորատորիա 10-12 ժամվա ընթացքում:

Խորհուրդ չի տրվում հետազոտությունն անցկացնել տարբեր վարակների բուժման համար հակամիկրոբային դեղեր օգտագործելու ընթացքում։ Կեղծ-բացասական արդյունքից խուսափելու համար ցանկալի է թեստն անցկացնել հակաբակտերիալ բուժումն ավարտելուց առնվազն 4 շաբաթ և պրոտոնային պոմպի արգելակիչների և բիսմութի պատրաստուկների ընդունումից առնվազն 2 շաբաթ հետո:

Չափման միավորներ

Որպես որակական հետազոտություն, չափման միավոր չունի:

Նորմալ (ռեֆերենս) միջակայքեր

Որպես որակական հետազոտություն, ռեֆերենսային միջակայք չունի:

Արդյունքների մեկնաբանություն

Արդյունքն ախտորոշում չէ և զուտ տեղեկատվություն է պարունակում բուժող բժշկի համար: Ճշգրիտ ախտորոշումը կատարում է բժիշկը՝ օգտագործելով այս և այլ թեստերի արդյունքները և հիվանդության պատմությունը (անամնեզ):

Հոդվածը տեղադրվել է՝ 31-03-2021 վերանայվել է՝ 07-11-2023

Հեղինակ

Հեղինակային բոլոր իրավունքները պատկանում են Մեդեքսին։

Ձեզ ներկայացված է մասնագիտական բնույթի նյութ: Հոդվածն ունի նաև ընդհանուր տեղեկատվական նշանակություն, սակայն, եթե դուք բժիշկ չեք, խիստ ցանկալի է որոշումներ կայացնել միայն ձեր բժշկի հետ միասին:

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը: