Միջազգային անվանում (հապավում). Low Density Lipoprotein - Cholesterol (LDL-CHOL)
Նկարագրություն
Ցածր խտության լիպոպրոտեինների (LDL) խոլեստերինը լիպոպրոտեինների ֆրակցիա է, որն իրականացնում է խոլեսթերոլի՝ դեպի օրգան-հյուսվածքներ տեղափոխման գործընթացը:
Ցածր խտության լիպոպրոտեիդները հանդիսանում են խոլեստերինի հիմնական տրանսպորտային ձևը: Դրանք պատկանում են բետա-լիպոպրոտեիդների խմբին:
Արյան լիպոպրոտեիններն իրականացնում են ոչ միայն խոլեստերինի, այլև լիպիդների տեղափոխում բջջային մի խմբից դեպի մյուսը: Համարվում է, որ LDL-խոլեստերինն ավելի հաջող կերպով է կոռելացվում աթերոսկլերոզի ռիսկի հետ, քան ընդհանուր խոլեստերինը, քանի որ հենց այս ֆրակցիան է ապահովում խոլեստերինի տեղափոխումը դեպի անոթներ: Ախտաբանական պրոցեսների հիմքում ընկած է անոթների էնդոթելիալ բջիջների կողմից LDL-խոլեստերինի կլանումը, որի հիմքի վրա էլ ձևավորվում է աթերոսկլերոտիկ վահանիկը՝ հանգեցնելով անոթի լուսանցքի նեղացման և թրոմբառաջացման:
LDL-խոլեստերինի բարձր մակարդակը (ավելի քան 3,37 մմոլ/լ) համարվում է աթերոսկլերոզի զարգացման ռիսկի գործոն, իսկ ավելի քան 4,14 մմոլ/լ մակարդակը կարելի է գնահատել որպես աթերոսկլերոզի և սրտի իշեմիկ հիվանդության (ՍԻՀ) զարգացման բարձր աստիճանի ռիսկի գործոն:
Լաբորատոր բաժնի հովանավոր
Այցելեք Յունիմեդ բժշկական կենտրոն ճշտգրիտ ախտորոշում ստանալու համար:
Ցուցումներ
- աթերոսկլերոզ և դրանով պայմանավորված սրտանոթային հիվանդություն (զարգացման ռիսկի գնահատում, ախտորոշում, կանխատեսում)
- լյարդային հիվանդություն
Կենսանմուշ
LDL-CHOL թեսթի համար հանձնվող կենսանմուշն է՝ երակային արյուն։
Կենսանմուշի հանձնում
Կենսանմուշը պետք է հանձնել քաղցած վիճակում՝ սննդի վերջին ընդունումից առնվազն 8 ժամ (ցանկալի է՝ 12 ժամ) հետո: Այս ընթացքում հյութերը, թեյը, սուրճը (առավել ևս՝ շաքարով) չի թույլատրվում: Կարելի է ընդունել ջուր:
Լրացուցիչ տեղեկատվություն և օգնություն
Չափման միավորներ
Միջազգային չափման միավոր (SI համակարգ)
մմոլ/լ (միլիմոլ/լիտր)
Այլընտրանքային չափման միավոր
մգ/դլ (միլիգրամ/դեցիլիտր)
Միավորների փոխակերպում
մգ/դլ x 0,0259 = մմոլ/լ
Նորմալ (ռեֆերենս) միջակայքեր
Համընդհանուր օգտագործվող միջակայքեր
- ցանկալի մակարդակ՝ < 2,59 մմոլ/լ
- օպտիմալից բարձր՝ 2,29 - 3,34 մմոլ/լ
- սահմանային բարձր՝ 3,37 - 4,12 մմոլ/լ
Այլընտրանքային միջակայքեր
| Տարիք | Սեռ | LDL, մմոլ/լ |
|---|---|---|
| 5 - 10 տ. | Տղամարդիկ | 1,63 - 3,34 |
| Կանայք | 1,76 - 3,63 | |
| 10 - 15 տ. | Տղամարդիկ | 1,66 - 3,44 |
| Կանայք | 1,76 - 3,52 | |
| 15 - 20 տ. | Տղամարդիկ | 1,61 - 3,37 |
| Կանայք | 1,53 - 3,55 | |
| 20 - 25 տ. | Տղամարդիկ | 1,71 - 3,81 |
| Կանայք | 1,48 - 4,12 | |
| 25 - 30 տ. | Տղամարդիկ | 1,81 - 4,27 |
| Կանայք | 1,84 - 4,25 | |
| 30 - 35 տ. | Տղամարդիկ | 2,02 - 4,79 |
| Կանայք | 1,81 - 4,04 | |
| 35 - 40 տ. | Տղամարդիկ | 2,10 - 4,90 |
| Կանայք | 1,94 - 4,45 | |
| 40 - 45 տ. | Տղամարդիկ | 2,25 - 4,82 |
| Կանայք | 1,92 - 4,51 | |
| 45 - 50 տ. | Տղամարդիկ | 2,51 - 5,23 |
| Կանայք | 2,05 - 4,82 | |
| 50 - 55 տ. | Տղամարդիկ | 2,31 - 5,10 |
| Կանայք | 2,28 - 5,21 | |
| 55 - 60 տ. | Տղամարդիկ | 2,28 - 5,26 |
| Կանայք | 2,31 - 5,44 | |
| 60 - 65 տ. | Տղամարդիկ | 2,15 - 5,44 |
| Կանայք | 2,59 - 5,80 | |
| 65 - 70 տ. | Տղամարդիկ | 2,54 - 5,44 |
| Կանայք | 2,38 - 5,72 | |
| > 70 տ. | Տղամարդիկ | 2,28 - 4,82 |
| Կանայք | 2,49 - 5,34 |
Արդյունքների մեկնաբանություն
LDL-խոլեստերինի մակարդակի բարձրացում
- առաջնային ժառանգական հիպերխոլեստերինեմիաներ (IA և IIB տիպի հիպերլիպոպրոտեինեմիաներ)
- գիրացում, ճարպակալում
- օբտուրացիոն դեղնուկ (լեղու կանգի պատճառով)
- նեֆրոտիկ համախտանիշ, քրոնիկ երիկամային անբավարարություն
- շաքարային դիաբետ
- թերակտիվ վահանաձև գեղձ (հիպոթիրեոզ)
- Քուշինգի համախտանիշ
- խոլեստերինով հարուստ սննդակարգ
- հղիություն
- նյարդային անոռեքսիա
- որոշ դեղերի ընդունում՝ բետա-պաշարիչներ, թիազիդային միզամուղներ, պրոգեստիններ, բերանային (օրալ) հակաբեղմնավորիչներ, գլյուկոկորտիկոիդներ, անդրոգեններ
LDL-խոլեստերինի մակարդակի նվազեցում
- հիպո- և ա-բետալիպոպրոտեինեմիա
- ալֆալիպոպրոտեինների դեֆիցիտ (Տանժերի հիվանդություն)
- լեցիտինխոլեստերինացիլտրանսֆերազի դեֆիցիտ
- գերակտիվ վահանաձև գեղձ (թիրեոտոքսիկոզ)
- Ռեյնոյի համախտանիշ
- քրոնիկ անեմիաներ
- սուր սթրես
- որոշ դեղերի ընդունում՝ Խոլեստիրամին, Կլոֆիբրատ, Լովաստատին, Նեոմիցին, Ինտերֆերոն, Թիրոքսին, էստրոգեններ
- ճարպերով և խոլեստերինով աղքատ, կիսաչհագեցած ճարպաթթունեով հարուստ սննդակարգ
- մալաբսորբցիայի համախտանիշ
- արթրիտներ
- թոքերի քրոնիկ օբստրուկտիվ հիվանդություն (ԹՔՕՀ)
- միելոմային հիվանդություն
Վարվեք այս կերպ
Լաբորատոր թեստի արդյունքների մեկնաբանումը վստահեք ձեր բժշկին: Նա ձեզ կբացատրի յուրաքանչյուր ցուցանիշը և դրա շեղման հնարավոր պատճառը:
Մի՛ փորձեք
Ինքնուրույն վերլուծել ձեր պատասխանները և, առավել ևս, ինքնուրույն փոխել ձեր դեղամիջոցները կամ դրանց դեղաչափերը:
Հոդվածը հրապարակվել է՝ 14-04-2018
Վերջին վերանայում՝ 01-06-2024