Միջազգային անվանում (հապավում). Lipase (LIP)

Նկարագրություն

Լիպազը (LIP) տրիգլիցերիդների քայքայումը (հիդրոլիզը) կատալիզացնող ֆերմենտ է:

Լիպազը կամ տրիացիլգլիցերոպացիլհիդրոլազը պատասխանատու է բարակ աղու մեջ չեզոք ճարպերի՝ տրիգլիցերիդների քայքայման համար: Տրիգլիցերիդները (TRIGL) համարվում են գլիցերոլի և բարձրագույն կարբոնաթթուների բարդ եթերները:

Արյան շիճուկում լիպազի մակարդակը տղամարդկանց և կանանց միջև հավաստիորեն չի տարբերվում: Ենթաստամոքսային գեղձի բորբոքումների ժամանակ (պանկրեատիտ) ֆերմենտը մուտք է գործում արյան հուն: Սուր պանկրեատիտից հետո արյան շիճուկում լիպազի ակտիվությունն աճում է արդեն 4-8 ժամ անց՝ հասնելով իր գագաթնակետին 24 ժամ անց և նվազելով 8-14-րդ օրերին:

Պանկրեատիտների ժամանակ լիպազի որոշումն ունի ավելի մեծ կլինիկական զգայունություն և սպեցիֆիկություն, քան ընդհանուր ամիլազի (AMY-T) թեստը: Էպիդեմիկ պարոտիտի ժամանակ լիպազի մակարդակը մնում է նորմալ միջակայքում ենթաստամոքսային գեղձի ախտահարման բացակայության պայմաններում: Երկու ֆերմենտների միաժամանակյա որոշումը թույլ է տալիս ենթաստամոքսային գեղձի ախտահարումը ճշգրտորեն ախտորոշել 98% դեպքերում:

Լաբորատոր բաժնի հովանավոր

Այցելեք Յունիմեդ բժշկական կենտրոն ճշտգրիտ ախտորոշում ստանալու համար:

Ցուցումներ

սուր պանկրեատիտ
ստամոքսի թափածակող խոց
քրոնիկ պանկրեատիտ
սուր խոլեցիստիտ
բարակաղիքային անբավարարություն
սուր և քրոնիկ երիկամային անբավարարություն
ալկոհոլիզմ
դիաբետիկ կետոացիդոզ
լյարդի ցիռոզ
օրգանների փոխպատվաստում

Կենսանմուշ

LIP թեսթի համար հանձնվող կենսանմուշն է՝ երակային արյուն։

Կենսանմուշի հանձնում

Կենսանմուշը պետք է հանձնել քաղցած վիճակում: Սննդի վերջին ընդունումը՝ ոչ պակաս, քան 8 ժամ, ցանկալի է՝ 12 ժամ առաջ: Պետք է բացառել հյութերը, թեյը, սուրճը (հատկապես՝ շաքարով): Կարելի է ընդունել ջուր:

Լրացուցիչ տեղեկատվություն և օգնություն

Ինչպե՞ս նախապատրաստվել լաբորատոր հետազոտությանը

Չափման միավորներ

Միջազգային չափման միավոր (SI համակարգ)

Մ/լ (միավոր/լիտր)

Նորմալ (ռեֆերենս) միջակայքեր

Համընդհանուր օգտագործվող միջակայքեր

Չափահասներ՝ (13-60) Մ/լ

Արդյունքների մեկնաբանություն

LIP-ի մակարդակի (ակտիվության) բարձրացում

սուր պանկրեատիտ (ֆերմենտի ակտիվության բարձրացած արժեքները պահպանվում են հիվանդությունը սկսվելուց 3-7 օրվա ընթացքում և այլ իմասով հանդիսանում է ավելի սպեցիֆիկ մարկեր, քան AMY-T-ը)
ենթաստամոքսային գեղձի նորագոյացություններ
ենթաստամոքսային գեղձի քրոնիկ հիվանդություններ
էպիդեմիկ պարոտիտ (խոզուկ)՝ ենթաստամոքսային գեղձի ախտահարմամբ
ներորովայնային հիվանդություններ, ներառյալ՝ ստամոքսի թափածակում, աղիների թափածակում, տասներկումատնյա աղու պեպտիկ խոց, որովայնային արոտայի անրևիզմայի պատռում, հեպատոբիլիար հիվանդություններ (լեղային խիթ, ներլյարդային խոլեսթազ), պերիտոնիտ
լիպիդների նյութափոխանակության խանգարումներով ընթացող հիվանդություններ՝ գիրացում, շաքարային դիաբետ, պոդագրա
նեյրովիրաբուժական վիճակներ
որոշ դեղերի ընդունում՝ Հեպարին, թմրաբեր ցավազրկողներ, բարբիտուրատներ և այլ դեղեր, որոնք առաջացնում են Օդիի սֆինկտերի կծկում, Ինդոմետացին

LIP-ի մակարդակի (ակտիվության) նվազեցում

ուռուցքային հիվանդություն (բացառությամբ՝ ենթաստամոքսային գեղձի կարցինոմայի)
տրիգլիցերիդների ավելցուկ (ժառանգական հիպերլիպիդեմիաների ժամանակ ոչ ճիշտ սննդակարգ)