Լիմֆոցիտներ

Ընդհանուր նկարագրություն

Լիմ‎ֆոցիտներն իմունիտետի գործող բջիջներն են. նրանք վնասազերծում են օրգանիզմ թափանցած օտարածին օրգանիզմները և նյութերը։

Լիմ‎ֆոցիտներն (Lymphocytes, LYM) անընդհատ շրջում են մի հյուսվածքից մյուսը: Ի տարբերություն մյուս լեյկոցիտների, նրանք հյուսվածքից կրկին վերադառնում են արյուն, ապա գաղթում այլ հյուսվածներ:

Տարբերում են լիմֆոցիտների հետևյալ 3 տեսակները՝

• T-լիմ‎ֆոցիտներ
• B- լիմ‎ֆոցիտներ
• զրոյական լիմ‎ֆոցիտներ:

T-ը լիմ‎ֆոցիտների տեսակների տարբերակումը տեղի է ունենում ուրցագեղձում, սակայն դրանք առաջանում են ոսկրածուծում:

T- լիմ‎ֆոցիտների տեսակներն են՝

• T-ճնշողներ
• T-օգնականներ
• T-սպանիչներ
• T-ակտիվացնողներ:

Հետազոտության ցուցումներ

• պլանային կանխարգելիչ հետազոտություն
• հոսպիտալացմանը նախորդող հետազոտություն
• վարակիչ, բորբոքային և արյունաբանական հիվանդությունների ախտորոշում
• հիվանդության ընթացքի կամ բուժման արդյունավետության հսկողություն

Կենսանմուշ

«Լիմֆոցիտներ» թեսթի համար հանձնվող կենսանմուշն է՝ երակային արյուն։

Կենսանմուշի հանձնում

Կենսանմուշը պետք է հանձնել առավոտյան ժամերին, քաղցած վիճակում: Սննդի վերջին ընդունումը՝ ոչ պակաս, քան 8 ժամ, ցանկալի է՝ 12 ժամ առաջ: Բացառել հյութերը, թեյը, սուրճը (հատկապես՝ շաքարով): Կարելի է ընդունել ջուր:

Հնարավորության սահմաններում հետազոտության նախորդ օրը պետք է խուսափել ֆիզիկական և հուզական ծանրաբեռնվածություններից:

Չափման միավորներ

Միջազգային չափման միավոր (SI համակարգ)

• բացարձակ թիվ (LYM#)՝ x 10⁹ բջիջ/լ (միլիարդ հատ 1 լիտրում)
• տոկոս (ֆրակցիա) (LYM%)՝ լեյկոցիտների մեջ տոկոսը (%)

Այլընտրանքային չափման միավոր

Բացարձակ թիվ՝ 10³ բջիջ/մկլ (հազար հատ 1 միկրոլիտրում)

Միավորների փոխակերպում

10⁹/լ = 10³/մկլ

Նորմալ (ռեֆերենս) միջակայքեր

Համընդհանուր օգտագործվող միջակայքեր

Լիմֆոցիտների բացարձակ քանակ

• չափահասներ՝ 1,0-4,0 x 10⁹/լ
• երեխաներ՝ մինչև 5,0 x 10⁹/լ
• նորածիններ՝ մինչև 6,0 x 10⁹/լ

Լիմֆոցիտների տոկոս

• չափահասներ՝ 25-40%
• նորածիններ՝ մինչև 70%

Այլընտրանքային միջակայքեր

Տարիք	LYM %
1-15 օր.	22,0-55,0
15 օր.-12 ամս.	45,0-70,0
12 ամս.- 2 տ.	37,0-60,0
2-5 տ.	33,0-55,0
5-9 տ.	30,0-50,0
9-12 տ.	30,0-46,0
12-15 տ.	30,0-45,0
≥ 15 տ.	19,0-37,0

Արդյունքների մեկնաբանություն

Լիմֆոցիտների թվաքանակի բարձրացում (լիմֆոցիտոզ)

• վիրուսային վարակով պայմանավորված բազմաթիվ հիվանդություններ
• արյան համակարգի հիվանդություններ՝ քրոնիկ լիմֆոլեյկոզ, լեյկեմիզացման փուլում լիմֆոմաներ, ծանր շղթաների հիվանդություն
• թունավորում տետրաքլորէթանով, կապարով, մկնդեղով, ջրածնի դիսուլֆիդով
• որոշ դեղերի ընդունում՝ Լևոդոպա, Ֆենիտոին, Վալպրոյաթթու, թմրադեղեր և այլն

Լիմֆոցիտների թվաքանակի նվազեցում (լիմֆոպենիա)

• բորբոքային հիվանդության սուր փուլ
• ապլաստիկ անեմիա
• իմունադեֆիցիտային վիճակներ
• երիկամային անբավարարություն
• ավշի կորուստ աղիքների միջոցով
• համակարգային կարմիր գայլախտ
• ռենտգենյան ճառագայթների ազդեցություն
• ուռուցքային հիվանդությունների տերմինալ փուլ
• միլիար տուբերկուլոզ
• որոշ դեղերի ընդունում՝ գլյուկոկորտիկոիդներ, ցիտոստատիկներ և այլն

Միջազգային անվանումներ

Միջազգային (անգլերեն) լրիվ անվումը՝ Lymphocytes

Միջազգային (անգլերեն) հապավումը՝ LYM