Միջազգային անվանում (հապավում). Progesterone (Prog)

Նկարագրություն

Պրոգեստերոնը (PROG) ձվարանների դեղին մարմնի կողմից արտադրվող ստերոիդ հորմոն է, որը կարևոր նշանակություն ունի հղիության բոլոր փուլերի ընթացքում:

Պրոգեստերոնը 314,5 Դալտոն մոլեկուլյար զանգվածով գեստագենային ստերոիդ հորմոն է: Այն գլխավորապես արտադրվում է դեղին մարմնի (corpus luteum) բջիջների և քիչ քանակներով՝ մակերիկամների կեղևի, իսկ հղիության ընթացքում՝ ընկերքի կողմից՝ լյուտեինացնող հորմոնի (LH) ազդեցությամբ: Հղիության 1-ին եռամսյակում և 2-րդի եռամսյակի վաղ փուլերում պրոգեստերոնն արտադրվում է մոր օրգանիզմում, միչդեռ դրանից հետո՝ ընկերքի կողմից:

Պրոգեստերոնի մակարդակը կոռելացվում է դեղին մարմնի զարգացման և հետաճման հետ: Եթե դաշտանային ցիկլի ֆոլիկուլյար փուլում պրոգեստերոնի առկայությունը հազիվ է հայտնաբերվում, ձվազատումից (օվուլյացիայից) մեկ օր առաջ այն սկսում է աճել: Պրոգեստերոնի ուժեղացած արտադրությունը բնորոշ է լյուտեալ փուլին: Դաշտանային ցիկլի երկրորդ կեսին կնոջ մեզում հայտնվում է պրեգնանդիոլը՝ որպես պրոգեստերոնի քայքայման արգասիք:

Պրոգեստերոնի ազդեցությամբ արգանդի լորձաթաղանթը փոխակերպվում է գեղձերով հարուստ հյուսվածքի (սեկրեցիայի փուլ)՝ նախապատրաստելով բեղմնավորված ձվաբջջի ներարգանդային իմպլանտացիան: Հղիության ընթացքում պրոգեստերոնն արգելակում է արգանդի մկանների կծկումները, իսկ իմունոդեպրեսիվ ազդեցության շնորհիվ ընկճում է օրգանիզմի կողմից բեղմնավորված ձվաբջջի դեմ աուտոիմուն ռեակցիաները: Պրոգեստերոնը նաև խթանում է ենթամաշկային ճարպաբջջանքի զարգացումը:

Կրծքագեղձերում պրոգեստերոնն էստրոգենների հետ միասին խթանում է կաթնագեղձերի ալվեոլների պրոլիֆերացիան և սեկրետոր դիսպոզիցիան:

Պրոգեստերոնը սովորաբար որոշվում է պտղաբերության ախտորոշման մեջ՝ ձվազատման հայտնաբերման և լյուտեինային փուլը գնահատելու համար:

Լաբորատոր բաժնի հովանավոր

Այցելեք Յունիմեդ բժշկական կենտրոն ճշտգրիտ ախտորոշում ստանալու համար:

Ցուցումներ

դաշտանային ցիկլի խանգարման պատճառների հայտնաբերում, այդ թվում՝ դաշտանի բացակայության (ամենորեայի) տարբեր տեսակների տարբերակիչ ախտորոշում
անպտղության պատճառների հայտնաբերում
դիսֆունկցիոնալ արգանդային արյունահոսության պատճառների հայտնաբերում
հղիության երկրորդ կեսում ընկերքի վիճակի գնահատում
իսկական անհաջող հղիության տարբերակիչ ախտորոշում

Կենսանմուշ

Prog թեսթի համար հանձնվող կենսանմուշն է՝ երակային արյուն։

Կենսանմուշի հանձնում

Թեստը կատարվում է դաշտանային ցիկլի 22-23-րդ օրերին, եթե բուժող բժշկի կողմից այլ ժամկետներ չեն սահմանվել:

Կենսանմուշը պետք է հանձնել նստած կամ պառկած դիրքում, քաղցած վիճակում: Սննդի վերջին ընդունումը՝ ոչ պակաս, քան 8 ժամ, ցանկալի է՝ 12 ժամ առաջ: Բացառել հյութերը, թեյը, սուրճը (հատկապես՝ շաքարով): Կարելի է ընդունել ջուր:

Առավոտյան ժամերին արյունը հանձնելու անհնարինության դեպքում պետք է զերծ մնած սննդի օգտագործումից վերջին 6 ժամվա ընթացքում, մինչ այդ բացառելով ճարպային սննդատեսակների ընդունումը:

Լրացուցիչ տեղեկատվություն և օգնություն

Ինչպե՞ս նախապատրաստվել լաբորատոր հետազոտությանը

Չափման միավորներ

Միջազգային չափման միավոր (SI համակարգ)

նգ/մլ (նանոգրամ/միլիլիտր)

Այլընտրանքային չափման միավոր

նմոլ/լ (նանոմոլ/լիտր) կամ մկգ/լ (միկրոգրամ/լիտր)

Միավորների փոխակերպում

նգ/մլ x 3,18 = նմոլ/լ, նմոլ/լ x 0,314 = նգ/մլ

Նորմալ (ռեֆերենս) միջակայքեր

Համընդհանուր օգտագործվող միջակայքեր

Տղամարդիկ` (0,2-1,4) նգ/մլ

Ոչ հղի կանայք

ֆոլիկուլյար փուլ (0,2-1,5) նգ/մլ
օվուլյատոր փուլ (0,8-3,0) նգ/մլ
լյուտեինային փուլ (1,7-27,0) նգ/մլ
հետմենոպաուզա (0,1-0,8) նգ/մլ

Արդյունքների մեկնաբանություն

PROG-ի մակարդակի բարձրացում

դիսֆունկցիոնալ արգանդային արյունահոսություն՝ լյուտեինային փուլի երկարացմամբ
երկրորդային ամենորեայի որոշ տեսակներ
ֆետո-պլացենտար կոմպլեքսի դիսֆունկցիա
ընկերքի հասունացման հապաղում
պրոգեստերոնի հեռացման խանգարում երիկամային անբավարարության պատճառով
որոշ դեղերի ընդունում՝ Կլոմիֆեն, Կորտիկոտրոպին, Կետոկոնազոլ, Միֆեպրիստոն, պրոգեստերոն և վերջինիս սինթետիկ անալոգներ, Տամոքսիֆեն, Վալպոյաթթու

PROG-ի մակարդակի նվազեցում

ներքին սեռական օրգանների քրոնիկ բորբոքային հիվանդություններ
ֆոլիկուլի պերսիստենցիա (հիպերէստրոգենիա)
անօվուլյատոր դիսֆունկցիոնալ արգանդային արյունահոսություններ (պրոգեստերոնի սեկրեցիայի նվազեցում դաշտանային ցիկլի 2-րդ փուլում)
առաջնային և երկրոդային ամենորեայի տարբեր ձևեր
հղիության էնդոկրին պատճառի ընդհատման վտանգ
ընկերքային անբավարարություն
պտղի ներարգանդային զարգացման դանդաղեցում (հղի կնոջ արյան պրոգեստերոնի մակարդակը համապատասխանում է կամ քիչ նվազած է նորմայի ստորին սահմանից՝ հղիության ողջ ընթացքում)
իսկական ժամկետանց հղիություն
որոշ դեղերի ընդունում՝ Ամպիցիլին, Կարբամազեպին, Ցիպրոտերոն, Դանազոլ, Էպոստան, Էստրիոլ, Գոզերելին, Լեուպրոմիդ, բերանային (օրալ) հակաբեղմնավորիչների հաբեր, Ֆենիտոին, Պրավաստատին, F2 պրոստոգլանդին