Ընդհանուր նկարագրություն

Պարատհորմոնը կալցիումի և ֆոսֆորի նյութափոխանակության կարգավորիչն է:

Պարատհորմոնը կամ պարաթիրեոիդ հորմոնը կամ պարաթիրինը (Parathyroid hormone, PTH) օրգանիզմում կալցիումի փոխանակության հիմնական կարգավորիչներից մեկն է: Այն արտադրվում է հարվահանագեղձերի կողմից, իսկ հորմոնի սեկրեցիան կախված է արյան պլազմայում կալցիումի մակարդակից:

Պարատհորմոնը նվազեցնում է կալցիումի հեռացումն օրգանիզմից և խթանում ֆոսֆորի հեռացումը մեզով՝ ազդելով երիկամների խողովակիկների վրա:

Պարատհորմոնը նպաստում է կալցիումի և ֆոսֆորի մուտքը ոսկրերից դեպի արյան հուն՝ ընկճելով օստեոբլաստների ակտիվությունը, ակտիվացնելով օստեոցիտներին և օստեոկլաստներին: Միջնորդավորված կերպով խթանում է նաև կալցիումի ներծծումն աղիքներով:

Պարատհորմոնին բնորոշ է օրվա ընթացքում սեկրեցիայի ցիրկադային ռիթմը՝ ժամը 14-16-ի ընթացքում առավելագույն արտադրությամբ և առավոտյան ժամը 8-ի մոտակայքում գրանցվող նվազեցմամբ:

Հետազոտության ցուցումներ

  • հիպերկալցիեմիա
  • հիպոկալցիեմիա
  • օստեոպորոզ, ոսկրերի կիստոզ փոփոխություններ, երկայնաձիգ ոսկրերի կեղծ կոտրվածքներ, ողների մարմինների օստեոսկլերոզ
  • միզաքարային հիվանդություն (ռենտգեն-պոզիտիվ քարեր)
  • 1-ին, 2-րդ տիպի բազմաթիվ էնդոկրին նեոպլազիայի կասկած
  • նեյրոֆիբրոմատոզի ախտորոշում

Կենսանմուշ

«Պարատհորմոն» թեսթի համար հանձնվող կենսանմուշն է՝ երակային արյուն։

Կենսանմուշի հանձնում

Արյունը հանձնելուց մինչև 3 օրվա ընթացքում պետք է բառացել մարզումները, մեկ օր առաջ՝ ալկոհոլի օգտագործումը, իսկ մեկ ժամ առաջ՝ ծխախոտի օգտագործումը:

Արյունը պետք է հանձնել առավոտյան ժամերին, պարտադիր քաղցած վիճակում (սննդի վերջին ընդունումը ոչ պակաս, քան 8 ժամ, ցանկալի է՝ 12 ժամ անց): Բացառել հյութերը, թեյը, սուրճը (հատկապես՝ շաքարով): Կարելի է ընդունել ջուր:

Պացիենտը պետք է գտնվի լիարժեք հանգիստ վիճակում կենսանմուշը հանձնելուց առաջ 30 րոպեի ընթացքում:

Չափման միավորներ

Միջազգային չափման միավոր (SI համակարգ)

պմոլ/մլ (պիկոմոլ/միլիլիտր)

Այլընտրանքային չափման միավոր

պգ/մլ (պիկոգրամ/միլիլիտր)

Միավորների փոխակերպում

պգ/մլ х 0,105 = պմոլ/մլ

Նորմալ (ռեֆերենս) միջակայքեր

Համընդհանուր օգտագործվող միջակայքեր

Չափահասներ` (1,45-10,41) պմոլ/մլ

Այլընտրանքային միջակայքեր

Չափահասներ` (15,0-65,0) պգ/մլ

Արդյունքների մեկնաբանություն

Պարատհորմոնի մակարդակի բարձրացում

Պարատհորմոնի մակարդակի նվազեցում

  • առաջնային հիպոպարաթիրեոզ
  • հղիություն (ֆոսֆորի ֆիզիոլոգիական դեֆիցիտ)
  • երկրորդային հիպոպարաթիրեոզ (վահանագեղձի հիվանդությունների վիրաբուժական բուժման բարդություններ, հիպոմագնեմիա, D հիպերվիտամինոզ, սարկոիդոզ)
  • ակտիվ օստեոլիզ

Միջազգային անվանումներ

Միջազգային (անգլերեն) լրիվ անվումը՝ Parathyroid hormone

Միջազգային (անգլերեն) հապավումը՝ PTH

Ձեզ ներկայացված է մասնագիտական բնույթի նյութ: Հոդվածն ունի նաև ընդհանուր տեղեկատվական նշանակություն, սակայն, եթե դուք բժիշկ չեք, խիստ ցանկալի է որոշումներ կայացնել միայն ձեր բժշկի հետ միասին