Տեստոստերոն ազատ

Ընդհանուր նկարագրություն

Ազատ տեստոստերոնն արյան տեստոստերոնի կենսաբանորեն ակտիվ մասն է:

Արյան մեջ շրջանառող տեստոստերոնի մեծ մասը կապված է սեռական հորմոնները կապող գլոբուլինի (SHBG) հետ: Տեղափոխող այս սպիտակուցի հետ կապված վիճակում տեստոստերոնը ոչ ակտիվ է և մետաբոլի ինակտիվացման համար ոչ մատչելի:

Այն դեպքերում, երբ արյան մեջ SHBG-ի մակարդակը բարձրացած է (օրինակ՝ հիպերթիրեոիդիզմ, հիպերէստրոգենիաների վիճակ, այդ թվում՝ հղիություն, հակաբեղմնավորիչ օրալ հաբերի, հակացնցումային դեղերի ընդունում) կամ իջած է (օրինակ՝ հիպոթիրեոիդիզմ, անդրոգենների ավելցուկ, գիրություն), ազատ տեստոստերոնի մակարդակի չափումը դառնում է ավելի նպատակահարմար, քան ընդհանուրինը:

Հետազոտության ցուցումներ

• որպես ընդհանուր տեստոստերոնի որոշմանը լրացում, նշանակվում է այնպիսի իրավիճակներում, որոնք կարող են կապված լինել արյան մեջ սեռական հորմոնները կապող գլոբուլինի մակարդակի շեղումների հետ՝ գիրություւն, ցիռոզ, վահանաձև գեղձի հիվանդություններ
• իմպոտենցիա
• Ալցհեյմերի հիվանդություն
• հակադեպրեսանտներով բուժում

Կենսանմուշ

«Տեստոստերոն ազատ» թեսթի համար հանձնվող կենսանմուշն է՝ երակային արյուն։

Կենսանմուշի հանձնում

Արյունը պետք է հանձնել առավոտյան ժամերին, պարտադիր քաղցած վիճակում՝ սննդի վերջին ընդունումից 8-11 ժամ առաջ (ոչ պակաս, քան 8 ժամ և ոչ ավելի, քան 14 ժամ հետո): Այս ընթացքում կարելի է ընդունել ջուր:

Արյունը հանձնելու նախորդ օրը պետք է բացառել սննդային ծանրաբեռնվածությունը:

Չափման միավորներ

Միջազգային չափման միավոր (SI համակարգ)

պգ/մլ (պիկոգրամ/միլիլիտր)

Այլընտրանքային չափման միավոր

պմոլ/լ (պիկոմոլ/լիտր)

Միավորների փոխակերպում

պմոլ/լ х 0,288 = պգ/մլ

Նորմալ (ռեֆերենս) միջակայքեր

Համընդհանուր օգտագործվող միջակայքեր

Տղամարդիկ

• < 12 տ. (0-4,6) պգ/մլ
• 12-18 տ. (0,2-23,1) պգ/մլ
• 19-55 տ. (1,0-28,3) պգ/մլ
• > 55 տ. (0,7-21,5) պգ/մլ

Կանայք

• < 12 տ.(0-1,5) պգ/մլ
• 12-18 տ. (0-2,2) պգ/մլ
• 19-55 տ. (0-2,8) պգ/մլ
• > 55 տ. (0-1,6) պգ/մլ

Արդյունքների մեկնաբանություն

Ազատ տեստոստերոնի մակարդակի բարձրացում

• հիրսուտիզմ
• մակերիկամների վիրիլացնող ուռուցքներ
• պոլիկիստոզային ձվարանների համախտանիշ
• անդրոգենների նկատմամբ ռեզիստենտություն

Ազատ տեստոստերոնի մակարդակի նվազեցում

• հիպոգոնադիզմ
• իմպոտենցիա
• Ալցհեյմերի հիվանդություն
• հակադեպրեսանտներով բուժում
• Р450 ֆերմենտի դեֆիցիտ

Միջազգային անվանումներ

Միջազգային (անգլերեն) լրիվ անվումը՝ Testosterone Free

Միջազգային (անգլերեն) հապավումը՝ TEST-F