Միջազգային անվանում (հապավում). Thrombin Time (TT)

Նկարագրություն

Թրոմբինային ժամանակը (ТТ) թույլ է տալիս գնահատել արյան մակարդման վերջնական փուլը՝ ֆիբրինոգենից ֆիբրինի առաջացումը:

Թեստի առանցքային ռեագենտը թրոմբինն է՝ պրոտեոլիտիկ ֆերմենտ, որը լուծվող ֆիբրինոգենը փոխակերպում է անլուծելի ֆիբրինի:

Թրոմբինային ժամանակն այն տևողությունն է, որի ընթացքում ցիտրատային պլազմայում թրոմբին և կալցիում ավելացնելիս ֆիբրինոգենը փոխակերպվում է ֆիբրինի: Ընդ որում, ֆիբրինային մակարդուկի առաջացման արագությունը հիմնականում կախված է մի կողմից ֆիբրինոգենի քանակությունից և ֆունկցիոնալ լիարժեքությունից, իսկ մյուս կողմից՝ արյան մեջ հակամակարդիչների առկայությունից:

Թրոմբինային ժամանակի որոշումը օգտագործում են դիսֆիբրինոգենեմիայի հայտնաբերման և արյան հակամակարդիչ ակտիվությունը գնահատելու համար: Թրոմբինային ժամանակի երկարացում դիտվում է արյան ֆիբրինոգենի մակարդակի զգալի նվազեցման (պակաս, քան 0,5 գ/լ), արյան մեջ ֆիբրինի քայքայման արգասիքների առկայության, այդ թվում՝ դիսեմինացված ներանոթային մակարդման (ԴՆՄ) համախտանիշի ժամանակ, թրոմբոլիտիկ բուժման և արյան մեջ ֆիբրինոգենի անոմալ ձևերի առկայության ժամանակ:

Արյան մեջ ուղղակի ազդեցության հակամակարդիչների, օրինակ՝ Հեպարինի առկայությունը նույնպես երկարացնում է թրոմբինային ժամանակը (հեպարին-հակաթրոմբինային կոմպլեքսը չեզոքացնում է ավելացված թրոմբինը): Անուղղակի ազդեցության հակամակարդիչներն, այնուամենայնիվ, չեն ազդում թեստի արդյունքների վրա:

Թրոմբինային ժամանակի երկարացումը երբեմն կարող է պայմանավորված լինել արյան պլազմայում թրոմբինի նկատմամբ աուտոհակամարմինների կամ ֆիբրինի մոնոմերների պոլիմերիզացան խոչընդոտող պարապրոտեինների առկայությամբ:

Լաբորատոր բաժնի հովանավոր

Այցելեք Յունիմեդ բժշկական կենտրոն ճշտգրիտ ախտորոշում ստանալու համար:

Ցուցումներ

ֆիբրինոգենի դեֆիցիտի կամ դեֆեկտիվության որոշում
դիսեմինացված ներանոթային մակարդման (ԴՆՄ) համախտանիշով պացիենտի գնահատում
լյարդային հիվանդություն
հեպարինաբուժման, ֆիբրինոլիտիկ կամ թրոմբոլիտիկ դեղերով բուժման հսկողություն
արյան մեջ ֆիբրինի կամ ֆիբրինոգենի քայքայման արգասիքների հայտնաբերում
ֆիբրինոգենի դեֆիցիտի կամ ֆիբրինոգենեմիայի բնածին կամ ձեռք բերովի ձևերի հայտնաբերում

Կենսանմուշ

TT թեսթի համար հանձնվող կենսանմուշն է՝ երակային արյուն։

Կենսանմուշի հանձնում

Արյունը պետք է հանձնել առավոտյան ժամերին, ժամը 8-11-ի սահմաններում, քաղցած վիճակում: Սննդի վերջին ընդունումից պետք է անցած լինի ոչ պակաս, քան 8 ժամ:

Լրացուցիչ տեղեկատվություն և օգնություն

Ինչպե՞ս նախապատրաստվել լաբորատոր հետազոտությանը

Չափման միավորներ

Միջազգային չափման միավոր (SI համակարգ)

վրկ. (վայրկյան)

Նորմալ (ռեֆերենս) միջակայքեր

Համընդհանուր օգտագործվող միջակայքեր

≤ 21 վրկ.

Արդյունքների մեկնաբանություն

Թրոմբինային ժամանակի մեծացում (դանդաղում)

բնածին կամ ձեռքբերովի հիպոֆիբրինոգենեմիա (ֆիբրինոգենի մակարդակի նվազում՝ պակաս քան 0,5 գ/լ), այդ թվում՝ լյարդային հիվանդության կամ օրգանիզմ սպիտակուցների մուտքի խաթարման պատճառով
դիսֆիբրինոգենեմիաներ (ֆիբրինոգենի մոլեկուլյար դեֆեկտներ)՝ բնածին և ձեռքբերովի (լյարդային հիվանդություն)
արյան մեջ ֆիբրինի կամ ֆիբրինոգենի քայքայման արգասիքների շատացում` դիսեմինացված ներանոթային մակարդման (ԴՆՄ) համախտանիշ, ֆիբրինոլիտիկներով բուժում
արյան մեջ ուղղակի ազդեցության հակամակարդիչների առկայություն (Հեպարին, հիրուդին, սինթետիկ հակաթրոմբիններ)
արյան մեջ բիլիռուբինի մակարդակի բարձրացում (հիպերբիլիռուբինեմիա)
պարապրոտեինեմիա
արյան մեզ մնացորդային ազոտի բարձրացում (ուրեմիա)
թրոմբինի նկատմամբ հակամարմիններ, գայլախտային հակակոագուլյանտ (որոշ դեպքերում)
բազմաձև միելոմա

Թրոմբինային ժամանակի փոքրացում (արագացում)

թրոմբառաջացման բարձրացած ռիսկ (դիսեմինացված ներանոթային մակարդման առաջին փուլ)
արյան ֆիբրինոգենի մակարդակի զգալի բարձրացում՝ հիպերֆիբրինոգենեմիա (ավելի քան 5 գ/լ)