Միջազգային անվանում (հապավում). Triglycerides (TRIG)
Նկարագրություն
Տրիգլիցերիդները (TRIG) արյան հիմնական լիպիդներն են, որոնք հանդիսանում են բջիջների էներգիայի հիմնական աղբյուրը:
Տրիգլիցերիդներն օրգանիզմ մուտք են գործում սննդի միջոցով, ինչպես նաև կարող են արտադրվել ճարպային հյուսվածքի բջիջների կողմից: Արյան մեջ շրջանառվում են ոչ թե ազատ վիճակում, այլ՝ սպիտակուցների հետ կապված մակրոմոլեկուլյար միացությունների՝ լիպոպրոտեիդների կազմության մեջ: Հանդիսանում են սննդամթերքների և ճարպային հավելումների հիմնական լիպիդները:
Տրիգլիցերիդի մոլեկուլը կազմված է եռատոմ գլիցերինից և բարձրագույն ճարպաթթուների երեք շղթաներից՝ պալմիտինաթթվի, ստեարինաթթվի, լինոլեաթթվի և օլեինաթթվի:
Տրիգլիցերիդները բջիջների էներգիայի հիմնական աղբյուրն են: Դրանք կուտակվում են ճարպային հյուսվածքներում, որտեղից հիդոլիտիկ ճեղքմամբ տրոհվում մինչև գլիցերինի և ճարպաթթուների՝ այսպիսով դուրս գալով դեպի շրջանառող արյան հուն:
Արյան պլազմայում տրիգլիցերիդների մակարդակն աճում է տարիքին զուգահեռ:
Լաբորատոր բաժնի հովանավոր
Այցելեք Յունիմեդ բժշկական կենտրոն ճշտգրիտ ախտորոշում ստանալու համար:
Ցուցումներ
- աթերոսկլերոզ և դրանով պայմանավորված սրտանոթային հիվանդությունների զարգացման ռիսկի գնահատում (ընդհանուր խոլեստերինի և ֆրակցիաների հետ միասին)
- պոդագրա (հոգատապ)
- ենթաստամոքսային գեղձի բորբոքում (պանկրեատիտ)
- սրտամկանի ինֆարկտ
- նյութափոխանակության ժառանգական խանգարումներ
Կենսանմուշ
TRIG թեսթի համար հանձնվող կենսանմուշն է՝ երակային արյուն։
Կենսանմուշի հանձնում
Կենսանմուշը պետք է հանձնել քաղցած վիճակում՝ սննդի վերջին ընդունումից առնվազն 8 ժամ (ցանկալի է՝ 12 ժամ) հետո: Այս ընթացքում հյութերը, թեյը, սուրճը (առավել ևս՝ շաքարով) չի թույլատրվում: Ջուր կարելի է խմել։
Լրացուցիչ տեղեկատվություն և օգնություն
Չափման միավորներ
Միջազգային չափման միավոր (SI համակարգ)
մմոլ/լ (միլիմոլ/լիտր)
Այլընտրանքային չափման միավոր
մգ/դլ (միլիգրամ/դեցիլիտր)
Միավորների փոխակերպում
մգ/դլ x 0,0113 = մմոլ/լ
Նորմալ (ռեֆերենս) միջակայքեր
Համընդհանուր օգտագործվող միջակայքեր
< 2,3 մմոլ/լ
Այլընտրանքային միջակայքեր
| Տարիք | Սեռ | TRIGL, մմոլ/լ |
|---|---|---|
| < 10 տ. | Տղամարդիկ | 0,34-1,13 |
| Կանայք | 0,40-1,24 | |
| 10-15 տ. | Տղամարդիկ | 0,36-1,41 |
| Կանայք | 0,42-1,48 | |
| 15 - 20 տ. | Տղամարդիկ | 0,42-1,67 |
| Կանայք | 0,44-1,4 | |
| 20-25 տ. | Տղամարդիկ | 0,50-2,27 |
| Կանայք | 0,41-1,48 | |
| 25-30 տ. | Տղամարդիկ | 0,52-2,81 |
| Կանայք | 0,42-1,63 | |
| 30-35 տ. | Տղամարդիկ | 0,56-3,01 |
| Կանայք | 0,44-1,70 | |
| 35-40 տ. | Տղամարդիկ | 0,61-3,62 |
| Կանայք | 0,45-1,99 | |
| 40-45 տ. | Տղամարդիկ | 0,62-3,61 |
| Կանայք | 0,51-2,16 | |
| 45-50 տ. | Տղամարդիկ | 0,65-3,70 |
| Կանայք | 0,52-2,42 | |
| 50-55 տ. | Տղամարդիկ | 0,65-3,61 |
| Կանայք | 0,59-2,63 | |
| 55-60 տ. | Տղամարդիկ | 0,65-3,23 |
| Կանայք | 0,62-2,96 | |
| 60-65 տ. | Տղամարդիկ | 0,65-3,29 |
| Կանայք | 0,63-2,70 | |
| 65-70 տ. | Տղամարդիկ | 0,62-2,94 |
| Կանայք | 0,68-2,71 |
Արդյունքների մեկնաբանություն
Տրիգլիցերիդների մակարդակի բարձրացում (հիպերլիպիդեմիա)
Առաջնային հիպերլիպիդեմիաներ
- ընտանեկան հիպերխոլեստերինեմիա (IV ֆենոտիպ)
- ընտանեկան բարդ հիպերխոլեստերինեմիա (IIb ֆենոտիպ)
- պարզ հիպերտրիգլիցերիդեմիա (IV ֆենոտիպ)
- ընտանեկան դիսբետալիպոպրոտեինեմիա (III ֆենոտիպ)
- խիլոմիկրոնեմիայի համախտանիշ (I կամ V ֆենոտիպեր)
- լեցիտինխոլեստերինացիլտրանսֆերազայի դեֆիցիտ
Երկրորդային հիպերլիպիդեմիաներ
- սրտի իշեմիկ հիվանդություն, սրտամկանի ինֆարկտ, աթերոսկլերոզ
- հիպերտոնիկ հիվանդություն
- գիրացում, ճարպակալում
- վիրուսային հեպատիտների և լյարդի ցիռոզ (ալկոհոլային, բիլիար)
- լեղուղիների օբտուրացիա
- շաքարային դիաբետ
- թերակտիվ վահանաձև գեղձ (հիպոթիրեոզ)
- նեֆրոտիկ համախտանիշ
- սուր և քրոնիկ պանկրեատիտներ
- որոշ դեղերի ընդունում՝ բետա պաշարիչներ, թիազիդային միզամուղներ, հակաբեղմնավորիչ հաբեր
- հղիություն
- գլիկոգենոզներ
- թալասեմիա
Տրիգլիցերիդների մակարդակի նվազեցում (հիպոլիպիդեմիա)
- հիպոլիպոպրոտեինեմիա
- գերակտիվ վահանաձև գեղձ (թիրեոտոքսիկոզ)
- գերակտիվ հարվահանաձև գեղձ (հիպերպարաթիրեոզ)
- սննդային անբավարարություն
- մալաբսորբցիայի համախտանիշ
- աղիների լիմֆանգիէկտազիա
- թոքերի քրոնիկ օբստրուկտիվ հիվանդություն (ԹՔՕՀ)
- Խոլեստիրամինի, Հեպարինի, Վիտամին C-ի, պրոգեստինների ընդունում
Վարվեք այս կերպ
Լաբորատոր թեստի արդյունքների մեկնաբանումը վստահեք ձեր բժշկին: Նա ձեզ կբացատրի յուրաքանչյուր ցուցանիշը և դրա շեղման հնարավոր պատճառը:
Մի՛ փորձեք
Ինքնուրույն վերլուծել ձեր պատասխանները և, առավել ևս, ինքնուրույն փոխել ձեր դեղամիջոցները կամ դրանց դեղաչափերը:
Հոդվածը հրապարակվել է՝ 14-04-2018
Վերջին վերանայում՝ 02-06-2024