Միջազգային անվանում (հապավում). Uric acid (UA)

Նկարագրություն

Միզաթթուն (UA) նուկլեոտիդների կազմության մեջ մտնող պուրինային հիմքերի նյութափոխանակության վերջնական արդյունքն է, որը օրգանիզմից հեռացնում է մնացորդային ազոտը:

Արյան պլազմայում միզաթթուն հայտնաբերվում է գլխավորապես նատրիումական աղերի տեսքով: Արյան մեջ միզաթթվի մակարդակը կախված է արտադրության և երիկամներով արտազատման գործընթացների հավասարակշռությունից:

Առողջ մարդկանց մոտ միզաթթվի մակարդակը կարող է մի փոքր բարձրանալ սննդում պուրինների մեծ քանակության և նվազել՝ ցածրպուրինային սննդակարգի դեպքում: Պուրիններով հարուստ սննդամթերքներից են կարմիր միսը, լյարդը, երիկամները, ուղեղը, լեզուն, ոլոռազգիները:

Տղամարդկանց մոտ միզաթթվի մակարդակը մի փոքր ավելի բարձր է, քան մինչծննդաբերական տարիքի կանանց մոտ: 60 տարեկանից անց միջսեռային տարբերությունները հարթվում են: Երեխաների մոտ, ընդհակառակը, միզաթթվի պարունակությունը ավելի ցածր է:

Պուրինային փոխանակության խանգարումը, օրինակ՝ պոդագրայի ժամանակ, առաջացնում է արյան մեջ միզաթթվի մակարդակի բարձրացում (hիպերուրիկեմիա), որն իր հերթին հանգեցնում է տարբեր օրգան-համակարգերի վնասման՝ միզաթթվային աղերի բյուրեղների կուտակման պատճառով: Միզաթթվի նորմալ արտադրության դեպքում արյան մեջ վերջինիս մակարդակի բարձրացում կարող է դիտվել նաև երիկամային գործառույթի նվազման, հետևաբար՝ մեզով միզաթթվի հեռացման խանգարման պատճառով:

Միզաթթվի մակարդակի բարձրացում գրանցվում է նաև ԴՆԹ-բջիջների ինտենսիվացած քայքայման արդյունքում՝ ցիտոստատիկ և այլ դեղերի ազդեցությամբ, հյուսվածքների տարածուն վնասումների և ուռուցքների դեպքում: Հիպերուրիկեմիան և մեզով միզանյութի խթանված արտազատումը կապված է միզաքարային հիվանդության, աթերոսկլերոզի, սրտի իշեմիկ հիվանդության և այլ վիճակների հետ:

Լաբորատոր բաժնի հովանավոր

Այցելեք Յունիմեդ բժշկական կենտրոն ճշտգրիտ ախտորոշում ստանալու համար:

Ցուցումներ

պոդագրա (հոդատապ)
երիկամի քարեր
երիկամային հիվանդության ժամանակ երիկամային գործառույթի գնահատում
լիմֆոպրոլիֆերատիվ հիվանդություններ

Կենսանմուշ

UA թեսթի համար հանձնվող կենսանմուշն է՝ երակային արյուն, մեզ։

Կենսանմուշի հանձնում

Արյունը պետք է հանձնել առավոտյան ժամը 08:00 - 11:00 սահմաններում, քաղցած վիճակում: Խորհուրդ է տրվում հետազոտվել սննդի վերջին ընդունումից ոչ շուտ, քան 8 ժամ և ոչ ուշ, քան 14 ժամ հետո, այս ընթացքում ընդունելով միայն ջուր: Թեստի նախորդ օրը նաև խորհուրդ է տրվում զերծ մնալ սննդային և ֆիզիկական բեռնվածությունից:

Թեստից մի քանի օր առաջ անհրաժեշտ է զերծ մնալ ցածրպուրինային սննդակարգից, խուսափել ալկոհոլի օգտագործումից: Հակառակ դեպքում պետք է այդ մասին տեղեկացնել բուժող բժշկին:

Լրացուցիչ տեղեկատվություն և օգնություն

Ինչպե՞ս նախապատրաստվել լաբորատոր հետազոտությանը

Չափման միավորներ

Միջազգային չափման միավոր (SI համակարգ)

մկմոլ/լ (միկրոմոլ/լիտր)

Այլընտրանքային չափման միավոր

մգ/դլ (միլիգրամ/դեցիլիտր)

Միավորների փոխակերպում

մգ/դլ х 59,5 = մկմոլ/լ

Նորմալ (ռեֆերենս) միջակայքեր

Համընդհանուր օգտագործվող միջակայքեր

Միզաթթվի մակարդակն արյան շիճուկում

Տղամարդիկ՝ (202,3‑416,5) մկմոլ/լ
Կանայք՝ (142,8‑339,2) մկմոլ/լ

Միզաթթվի մակարդակը միանգամյա մեզում

(2200-5475) մկմոլ/լ

Արդյունքների մեկնաբանություն

UA-ի մակարդակի բարձրացում (հիպերուրիկեմիա)

պոդագրա (հոդատապ)
Լեշ-Նիհանի համախտանիշ (ժառանգական բնույթի ֆերմենտային դեֆիցիտ)
լեյկոզներ, միելոմային հիվանդություն, լիմֆոմա
երիկամային անբավարարություն
հղիության տոքսիկոզ
երկարատև սովահարություն
ալկոհոլի չարաշահում
սալիցիլատների, միզամուղների, ցիտոստատիկների ընդունում
ֆիզիոլոգիական բարձրացում ֆիզիկական ծանրաբեռնվածության, պուրինային հիմքերով հարուստ սննդակարգի դեպքում
իդիոպաթիկ ընտանեկան հիպերուրիկեմիա
ուռուցքային հիվանդությունների ժամանակ կատաբոլիկ պրոցեսների ակտիվացում
պերնիցիոզ (B12-դեֆիցիտային) անեմիա

UA-ի մակարդակի նվազեցում (հիպոուրիկեմիա)

Կոնովալով-Վիլսոնի հիվանդություն (հեպատոցերեբրալ դիստրոֆիա)
Ֆանկոնիի համախտանիշ
Ալլոպուրինոլի, ռենտգեն-կոնտրաստ նյութերի, գլյուկոկորտիկոիդների, Ազաթիոպրինի ընդունում
քսանտինուրիա
Խոջկինի հիվանդություն
երիկամների պրոքսիմալ խողովակիկների դեֆեկտներ
պուրիններից աղքատ սննդակարգ