Պատճառներ - Ախալազիա

Ախալազիայի ճշգրիտ պատճառը դժվար հասկանալի է:

Հետազոտողները կասկածում են, որ այն կարող է առաջանալ կերակրափողի նյարդային բջիջների կորստի պատճառով, որը բերում է նյարդամկանային խանգարման և ստորին կերակրափողային սֆինկտերի (կարդիալ փականի) ռեֆլեկտոր թուլացման անբավարարությամբ կամ բացակայությամբ (կարդիոսպազմ), իսկ հետագայում՝ նույն շրջանի պարեզով: Նման վիճակի պատճառների մասին կան որոշակի տեսություններ, սակայն այլ տեսություններով կարևորվում է վիրուսային վարակի կամ աուտոիմուն պատասխանների դերը:

Խիստ հազվադեպ, ախալազիան կարող է առաջանալ ժառանգական գենետիկ խանգարման կամ վարակի պատճառով:

Բժիշկները տարբերում են ախալազայի երեք հիմնական տեսակ:

• 1-ին տիպի ախալազիան երբեմն կոչվում է դասական ախալազիա: Այս տեսակի դեպքում կերակրափողի մկանները հազիվ են կծկվում, ուստի սնունդը շարժվում է դեպի ներքև միայն ծանրության ուժի շնորհիվ:
• 2-րդ տիպի ախալազիայի դեպքում կերակրափողում կուտակվում է ճնշում, որը հանգեցնում է նրա լայնացման և հետագայում՝ պարալիզման: Սա ախալազիայի ամենատարածված տեսակն է և հաճախ ավելի ծանր ախտանիշներ է առաջացնում, քան 1-ին տիպը:
• III տիպի ախալազիան երբեմն կոչվում է սպաստիկ ախալազիա, քանի որ կերակրափողի ստորին մասում, որտեղ այն միանում է ստամոքսին, առաջանում են ոչ նորմալ կծկանքներ (կարդիոսպազմ): Սա ախալազիայի ամենածանր տեսակն է։ Կծկանքները կարող են առաջացնել ետկրծոսկրային ցավեր, որոնք կարող են մարդուն արթնացնել քնից և խիստ նմանվել սրտամկանի ինֆարկտի ախտանիշներին: