Գրադարան

Նյարդային անորեքսիա

Նյարդային անորեքսիա

Time Read 1 րոպե

Նյարդային անորեքսիան կամ անորեքսիա ներվոզան, որը հաճախ պարզապես կոչվում է անորեքսիա, սնման խանգարում է, որը բնութագրվում է մարմնի աննորմալ ցածր քաշով, գիրանալու սաստիկ վախով և քաշի խեղաթյուրված ընկալմամբ:

Անորեքսիա ունեցող մարդիկ չափազանց մեծ նշանակություն են տալիս իրենց քաշը և կազմվածքը վերահսկելուն՝ օգտագործելով ծայրահեղ ջանքեր, որոնք հակված են զգալիորեն խանգարել նրանց կյանքին:

Քաշի ավելացումը կանխելու կամ նիհարելը շարունակելու համար անորեքսիա ունեցող մարդիկ սովորաբար կտրուկ սահմանափակում են իրենց կերած սննդի քանակը: Նրանք կարող են վերահսկել կալորիաների ընդունումը՝ ուտելուց հետո ինքնակամ փսխելով կամ լուծողականների, դիետիկ միջոցների, միզամուղների կամ հոգնայի չարաշահման միջոցով: Նրանք կարող են նաև փորձել նիհարել՝ չափից դուրս մարզվելով: Անկախ նրանից, թե որքան քաշ է կորցնում, մարդը շարունակում է վախենալ քաշի ավելացումից:

Անորեքսիան իրականում սննդի մասին չէ: Դա չափազանց անառողջ և երբեմն կյանքին սպառնացող միջոց է, որով փորձ է արվում հաղթահարել հուզական խնդիրները: Երբ անորեքսիա ունեք, դուք հաճախ նիհար լինելը նույնացնում եք ինքնագնահատականի հետ:

Անորեքսիան, ինչպես մյուս սնման խանգարումները, կարող է վերահսկել ձեր կյանքը և շատ դժվարությամբ հաղթահարվել: Սակայն բուժման միջոցով դուք կարող եք ավելի լավ պատկերացում կազմել, թե ով եք դուք, վերադառնալ առողջ սնման սովորույթներին և ետ զարգացնել անորեքսիայի որոշ ծանր բարդությունները:

Հոդվածը տեղադրվել է՝ 25-05-2020 վերանայվել է՝ 22-04-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով