Կանխարգելում - Անորեքսիա ներվոզա

Նյարդային անորեքսիայի կանխարգելման որևէ երաշխավորված միջոց չկա:

Առաջնային խնամքի բժիշկները (մանկաբույժներ, ընտանեկան բժիշկներ և տեղամասային թերապևտներ) լավ հնարավորություն ունեն անորեքսիայի վաղ ցուցիչները բացահայտելու և հիվանդության զարգացումը կանխելու համար: Օրինակ, նրանք կարող են հարցեր տալ սնման սովորույթների և արտաքին տեսքից բավարարված լինելու վերաբերյալ սովորական բժշկական այցելությունների ժամանակ:

Եթե ​​նկատում եք, որ ձեր ընտանիքի անդամներից մեկը կամ ձեր ընկերն ունեն ցածր ինքնագնահատական (թերարժեքություն), խիստ սննդակարգի սովորույթներ և դժգոհություն արտաքինից, մտածեք նրա հետ այս հարցերի շուրջ խոսելու մասին: Դուք չեք կարող կանխել սնման խանգարման զարգացումը, սակայն կարող եք խոսել ավելի առողջ վարքի կամ բուժման տարբերակների մասին: