Պատճառներ - Մանկական ակնե

Նորածնային կամ մանկական ակնեն առաջանում է մորից ստացված հորմոնների պատճառով, որոնց երեխան ենթարկվում է ծնվելուց առաջ:

Ընդ որում, մաշկային այս վիճակի պատճառը մորից երեխային փոխանցված արական սեռական հորմոններն են՝ անդրոգենները, այլ ոչ թե իգական սեռական հորմոնները՝ էստրոգենները: Կանանց օրգանիզմում առկա են ինչպես իգական (ավելի մեծ քանակությամբ), այնպես էլ արական սեռական հորմոններ (ավելի փոքր քանակությամբ):

Այսպիսով, նորածինը մայրական անդրոգեններ ստանում է մինչև ծնվելը, ուստի ակնե կարող է առաջանալ ինչպես մայրական կաթ, այնպես էլ արհեստական սնուցում ստացող նորածինների մոտ: