Ինչի՞ մասին է հուշում ձեր իրանի շրջանագիծը ձեր առողջության մասին: Պարզեք, թե ինչու է որովայնային ճարպն ավելի տարածված դաշտանադադարից հետո, ի՞նչ վտանգ է այն ներկայացնում և ի՞նչ անել դրա դեմ:
Մեծացող որովայնը երբեմն համարվում է տարիքն առնելու հետևանք: Սա հատկապես վերաբերվում է կանանց, քանի որ դաշտանադադարից (մենոպաուզայից) հետո մարմնի ճարպը հակված է «տեղափոխվել» դեպի որովայնի հատված:
Որովայնի ավելորդ ճարպն ավելին է, քան պարզապես սիրելի զգեստների կամ ջինսերի հագնելը դժվարացնելը կամ անհնարին դարձնելը: Հետազոտությունները ցույց են տալիս, որ որովայնային ճարպը լուրջ վտանգ է ներկայացնում առողջության համար: Նկատի ունեցեք, որ որովայնային ճարպից բխող վտանգները կարելի է կրճատել։
Ի՞նչ է թաքնված որովայնի ճարպի հետևում
Թե որքան է անձը կշռում, մեծապես կախված է հետևյալ չորս բաներից՝
- ամեն օր ընդունված կալորիաներ
- ամեն օր այրված կալորիաները:
- տարիք
- գենետիկա (ժառանգականություն):
Մարդիկ, ովքեր կանոնավոր կերպով ուտում և խմում են ավելի շատ կալորիաներ, քան այրում են ամեն օր, ավելի հավանական է, որ ավելորդ քաշ հավաքեն, որը ներառում է որովայնային ճարպը:
Տարիքը նույնպես իր ազդեցությունն է թողնում: Տարիքի հետ մարդիկ կորցնում են իրենց մկանները: Այս խնդիրն ավելի է լրջանում նրանց համար, ովքեր ֆիզիկապես ակտիվ չեն։ Մկանային զանգվածի կորուստը նվազեցնում է նյութափոխանակությունը և այն, թե որքան արագ է օրգանիզմն օգտագործում կալորիաները: Դա կարող է ավելի դժվարացնել առողջ քաշի պահպանումը:
Բազմաթիվ կանայք տարիքի հետ նկատում են որովայնային ճարպի ավելացում, նույնիսկ եթե չեն գրանցում մարմնաի քաշի աճ: Սա, ամենայն հավանականությամբ, պայմանավորված է էստրոգեն հորմոնի ավելի ցածր մակարդակով, քանի որ այն, ըստ երևույթին, ազդում է մարմնի ճարպի տեղակայման վրա:
Գեներն իրենց հերթին կարող են նպաստել անձի ավելորդ քաշի կամ գիրանալու հավանականությանը: Ժառանգականությունը նաև դեր է խաղում, որտեղ է մարմինը կուտակում ճարպը:
Իմացե՛ք ավելին գիրության մասին:
Որովայնային ճարպն ավելին է, քան մաշկի տակ թաքնվածը
Որովայնային ճարպի խնդիրն այն է, որ այն չի սահմանափակվում միայն մաշկի տակ ընկած շերտով, որը կոչվում է ենթամաշկային ճարպ: Որովայնային ճարպը նաև ներառում է ներքին օրգանների ճարպը: Սա ընկած է որովայնի խորքում և շրջապատում է ներքին օրգանները: Այս ճարպը կոչվում է ընդերային (վիսցերալ) ճարպ:
![Որովայնային ճարպ](https://medex.am/_mx/uploads/topics/images/belly-fat-in-women_illustration.webp)
Անկախ անձի ընդհանուր քաշից՝ մեծ քանակությամբ որովայնի ճարպը մեծացնում է հետևյալ խնդիրների ռիսկը՝
- բարձր արյան ճնշում (հիպերտենզիա)
- արյան մեջ ճարպի անառողջ քանակություն (հիպերլիպիդէմիա)
- քնի անոէ
- սրտային հիվանդություն
- բարձր արյան շաքար (հիպերգլիկեմիա) և շաքարային դիաբետ
- որոշ քաղցկեղներ
- ինսուլտ
- ճարպային լյարդ.
- որև պատճառով վաղաժամ մահ։
Ձեր որովայնի չափի որոշումը
Ստուգելու համար, թե արդյոք ձեր որովայնի ճարպի կուտակումը մտահոգիչ է, չափեք ձեր իրանի շրջանագիծը:
- Կանգնեք և չափիչ ժապավենը շրջանաձև փաթաթեք ձեր մերկ որովայնի շուրջը՝ զստոսկրից անմիջապես վերև (պորտից քիչ ներքև):
- Ձգեք ժապավենը՝ մինչև այն ամուր հորիզոնական գրկի, բայց չխրվի ձեր մաշկի մեջ: Համոզվեք, որ ժապավենը հավասարաչափ շրջանաձև գրկել է ձեր իրանի բոլոր կողմերը:
- Թուլացեք, արտաշնչեք և չափեք ձեր իրանի շրջանագիծը: Չափելիս փորը ներս մի՛ քաշեք:
Կանանց համար իրանի շրջանագծի ավելի քան 89 սանտիմետր չափը վկայում է որովայնային ճարպի անառողջ կուտակման և առողջական խնդիրների բարձր ռիսկի մասին: Ընդհանուր առմամբ, որքան մեծ է իրանի շրջանագիծը, այնքան ավելի բարձր են առողջության հետ կապված ռիսկերը։
Իմացե՛ք ավելին իրանի շրջանագծի չափման և դրա նշանակության մասին:
Ճարպից ազատվելը
Դուք կարող եք ամրապնդել և տոնուսավորել որովայնային մկանները պտտումներով կամ այլ վարժանքներով, որոնք թիրախավորում են ձեր որովայնը: Սակայն, միայն այդ վարժանքներին հետևելը ձեզ չի ազատվի որովայնային ճարպից: Լավ նորությունն այն է, որ ներքին օրգանների (վիսցերալ) ճարպն արձագանքում է նույն այն սննդակարգի և վարժանքների ռազմավարություններին, որոնք կարող են օգնել այլ ավելորդ կիլոգրամներից ազատվելուն և մարմնի ընդհանուր ճարպը նվազեցնելուն: Փորձեք այս խորհուրդները:
- Անցեք առողջ սննդակարգի. առողջ սննդակարգը ներառում է հետևյալը:
- Կենտրոնացում բուսական ծագման մթերքների վրա, ինչպիսիք են մրգերը, բանջարեղենը և ամբողջահատիկ ձավարեղենը:
- Սպիտակուցի անճարպ աղբյուրների ընտրություն, ինչպիսիք են ձկնեղենը և ցածր յուղայնությամբ կաթնամթերքը:
- Վերամշակված մսի, ինչպես նաև հագեցած ճարպերի սահմանափակում, որոնք առկա են մսի և բարձր յուղայնության կաթնամթերքի մեջ, ինչպիսիք են պանիրը և կարագը:
- Միաչհագեցած և բազմաչհագեցած ճարպերի չափավոր քանակների օգտագործում: Դրանք առկա են ձկնեղենի, ընկույզների և որոշ բուսական ձեթերի մեջ:
- Խելամիտ կերպով ընտրեք ձեր կերակուրի չափերը. նույնիսկ առողջ ընտրություն կատարելիս ձեր օրգանիզմի կալորիաներն ավելանում են: Կրճատեք տան ճաշերի ձեր չափաբաժինները: Ռեստորաններում կիսեք ձեր ափսեն մյուսների հետ: Կամ պակասը լրացրեք տանը:
- Խուսափեք քաղցր ըմպելիքներից. դրանց փոխարեն խմեք ջուր կամ շաքար չպարունակող այլ ըմպելիքներ։
- Դարձեք ֆիզիկապես ակտիվ. առողջ չափահասների մեծամասնության համար ԱՄՆ Առողջապահության և սոցիալական ծառայությունների դեպարտամենտը խորհուրդ է տալիս չափավոր աերոբիկ ակտիվություն, օրինակ՝ արագ քայք, շաբաթական առնվազն 150 րոպե կամ ինտենսիվ աերոբիկ վարժություններ, օրինակ՝ վազք, շաբաթական առնվազն 75 րոպե: Ուժային վարժությունները խորհուրդ են տրվում շաբաթական առնվազն երկու անգամ: Եթե ցանկանում եք նիհարել կամ հասնել հատուկ ֆիթնես նպատակների, ձեզ հարկավոր է ավելի շատ կալորիաներ կորցնել: Որոշ տվյալներ կան, որ բարձր ինտենսիվության ինտերվալային մարզումները, ուժային վարժանքների նման, կարող են օգնել որովայնային ճարպի կրճատմանը:
Որովայնային ճարպից ազատվելը պահանջում է ջանք ու համբերություն։ Ավելորդ ճարպը կորցնելու և այն նորից չկուտակելու համար նպատակ դրեք դանդաղ և կայուն քաշի կորստի: Հարցրեք ձեր բժշկին, թե ինչպես սկսել և պահպանել այս երկարատև աշխատանքի ճիշտ ուղին:
Իմացե՛ք ավելին քաշի նվազեցման 6 հաջող մոտեցումների մասին:
Հոդվածը հրապարակվել է՝ 14-07-2024
Վերջին վերանայում՝ 14-07-2024