Արյունամիզություն. ախտանիշներ

Արյունամիզություն. ախտանիշներ

Արտահայտված արյունամիզությունը դրսևորվում է վարդագույն, կարմիր կամ կոլայի գունավորմամբ մեզով, որի պատճառը մեզում արյան կարմիր բջիջների առկայությունն է:

Մեզը կարմրելու համար անհրաժեշտ է արյան քիչ քանակություն, և սովորաբար արյունահոսությունը ցավոտ չէ, թեև արյան մակարդուկների անցումը միզուկով կարող է առաջացնել ցավեր:

Արյունային մեզը հաճախ չի ուղեկցվում որևէ այլ գանգատներով կամ ախտանիշներով:

Ե՞րբ դիմել բժշկին

Այցելեք բժշկին ցանկացած ժամանակ, եթե մեզում նկատում եք արյուն:

Որոշ դեղամիջոցներ (օրինակ՝ լուծողական Էքս-լաքս) և սննդամթերքներ (օրինակ՝ կարմիր ճակնդեղ և հատապտուղներ) կարող են մեզին տալ կարմիր գունավորում: Դեղամիջոցների, սննդամթերքների կամ վարժանքների հետ կապված մեզի գույնի փոփոխություններն ինքնուրույն անհետանում են մի քանի օրվա ընթացքում:

Արյունային մեզն ունի այլ տեսք, սակայն երբեմն չեք կարող ճիշտ նկարագրել այն: Ուստի, ավելի լավ է հանդիպել բժշկին՝ բուժկենտրոն բերելով նաև մեզի նմուշ:

Հոդվածը վերանայվել է՝ 21-05-2021