Արյունամիզություն. ախտորոշում

Արյունամիզություն. ախտորոշում

Կան մի շարք թեստեր և քննություններ, որոնք էական դեր ունեն մեզում արյան պատճառը որոշելու մեջ:

  • Արտաքին զննում, որը նաև ներառում է հիվանդության պատմության քննարկումը:
  • Մեզի թեստեր. նույնիսկ եթե մեզի թեստով հայտնաբերվել է արյունամիզություն, բժիշկը հավանաբար կառաջարկի, որ որոշ ժամանակ անց կրկին անցնեք մեզի ընդհանուր քննություն, ինչպես նաև մեզի նստվածքի մանրադիտակային զննում: Մեզում բյուրեղների առկայությունը կարող է վկայել միզաքարային հիվանդության մասին, իսկ մեզի մանրէաբանական հետազոտությունը կարող է հայտնաբերել միզուղիների վարակի հարուցիչը:
  • Պատկերման հետազոտություններ. հաճախ արյունամիզության պատճառը գտնելու համար անհրաժեշտ է լինում անցկացնել որևէ պատկերման հետազոտություն՝ միզային համակարգի գերձայնային (սոնոգրաֆիա), համակարգչային տոմոգրաֆիա (ԿՏ) կամ մագնիսա-ռեզոնանսային տոմոգրաֆիա (ՄՌՏ):
  • Ցիստոսկոպիա. բժիշկը կարող է առաջարկել ցիստոսկոպիա, որը միզուկը և միզապարկի «ներսից» դիտման էնդոսկոպիկ ախտորոշիչ մեթոդ է:

Երբեմն միզային արյունահոսության որևէ պատճառ չի հայտնաբերվում: Նման դեպքերում բժիշկը կարող է խորհուրդ տալ կանոնավոր այցեր և ստուգումներ, հատկապես, եթե ունեք միզապարկի քաղցկեղի ռիսկի գործոններից մեկնումեկը կամ մի քանիսը (ծխախոտի օգտագործում, թունավոր նյութերի ազդեցություն, ճառագայթային բուժման պատմություն և այլն):

Հոդվածը վերանայվել է՝ 22-05-2021