Պատճառներ - Ճարպային ցելյուլիտ

Ցելյուլիտի պատճառների մասին քիչ բան է հայտնի։

Այն ներառում է թելքավոր շարակցահյուսվածքային ձգաններ, որոնք մաշկը կապում են տակն ընկած մկանների հետ, իսկ դրանց միջև ընկած է ճարպը: Երբ ճարպային բջիջները կուտակվում են, դրանք մղվում են դեպի մաշկը, մինչդեռ երկար, կոշտ լարերը ձգվում են ներքև: Սա ստեղծում է անհարթ մակերես կամ փոսիկներ:

Բացի այդ, հորմոնային գործոնները մեծ դեր են խաղում ցելյուլիտի առաջացման գործում, իսկ գենետիկան որոշում է մաշկի կառուցվածքը, կազմվածքը (տեքստուրան) ու մարմնի տեսակը: Այլ գործոններ, ինչպիսիք են քաշը և մկանային տոնուսը, ազդում են ձեր ցելյուլիտի առկայության վրա, չնայած այն կարող է առաջանալ նույնիսկ շատ լավ մարմնակառուցվածքով մարդկանց մոտ:

Ռիսկի գործոններ

Ցելյուլիտը շատ ավելի տարածված է կանանց, քան տղամարդկանց մոտ: Իրականում, կանանց մեծամասնության մոտ սեռական հասունացումից հետո առաջանում է որոշակի ցելյուլիտ: Դա պայմանավորված է նրանով, որ կանանց ճարպը սովորաբար բաշխվում է ազդրերի և հետույքի վրա՝ ցելյուլիտի ընդհանուր տարածքներում: Ցելյուլիտը նաև ավելի հաճախակի է դառնում ծերացման ժամանակ, երբ մաշկը կորցնում է առաձգականությունը։

Քաշի ավելացումը կարող է ավելի նկատելի դարձնել ցելյուլիտը, սակայն որոշ նիհար մարդիկ նույնպես ունեն ցելյուլիտ: Այն հակված է հանդիպելու ընտանիքներում, ուստի ժառանգականությունը (գենետիկան) կարող է ամենամեծ դերը խաղալ այն հարցում, թե արդյոք ձեզ մոտ կզարգանա ցելյուլիտ: Ոչ ակտիվ ապրելակերպը, ինչպես նաև հղիությունը նույնպես կարող են մեծացնել ցելյուլիտ ունենալու ձեր հնարավորությունները: