Ախտանիշներ - Ճարպային ցելյուլիտ

Ցելյուլիտը նման է փոսիկներով կամ անհարթ և մանր թմբիկավոր (խորդուբորդ) մաշկի:

Երբեմն այն նկարագրվում է որպես կաթնաշոռի կամ նարնջի կեղևի հյուսվածք (տեքստուրա):

Դուք կարող եք թեթև ցելյուլիտը նկատել միայն այն դեպքում, եթե ձեր մաշկը հավաքեք այնպիսի հատվածում, որտեղ ցելյուլիտ ունեք, օրինակ՝ ազդրերում: Ավելի արտահայտված ցելյուլիտը մաշկին տալիս է թմբիկավոր և խորդուբորդ տեսք՝ գագաթների և փոսիկների շրջաններով:

Ցելյուլիտը առավել տարածված է ազդրերի և հետույքի շրջանում, սակայն նաև կարող է հայտնաբերվել կրծքագեղձերի, որովայնի ստորին հատվածի և ձեռքերի վերին հատվածի (բազուկների) վրա:

Ե՞րբ դիմել բժշկին

Բուժումն անհրաժեշտ չէ։ Սակայն, եթե ձեզ մտահոգում է ձեր մաշկի արտաքին տեսքը, խոսեք ձեր ընտանեկան բժշկի կամ մաշկային հիվանդությունների (մաշկաբան) կամ պլաստիկ վիրաբուժության մասնագետի հետ բուժման տարբերակների մասին: