Դեպրեսիան տարածված է խնդիր է. այն կյանքի ինչ-որ պահին ազդում է 8 տղամարդուց 1-ի վրա:

Ի՞նչ է դեպրեսիան

Դեպրեսիան հոգեկան առողջության լուրջ վիճակ է, որն ազդում է ձեր զգալու, մտածելու և ամենօրյա գործունեության վրա: Այն կարող է ստիպել ձեզ, որ զգաք տխուր, զայրացած, դյուրագրգիռ կամ դատարկ և կորցնեք հաճույքը կամ հետաքրքրությունը այն բաների նկատմամբ, որոնք նախկինում ձեզ դուր են եկել: Թեև երբեմն ընկճված զգալը նորմալ է, եթե 2 շաբաթ կամ ավելի նման զգացողություն ունեք, կարող եք դեպրեսիա ունենալ:

Սոցիալական նորմերը կարող են սահմանել ձեր պատկերացումն այն մասին, թե ինչ է նշանակում «տղամարդ» լինել: Որոշ տղամարդկանց համար դա կարող է ներառել ձեր զգացմունքները թաքցնելը կամ ցույց չտալը, որ վրդովված եք: Սա երբեմն կարող է դժվարացնել տղամարդկանց ընդունել, որ կարող են դեպրեսիա ունենալ:

Այս հոդվածը տղամարդկանց մոտ դեպրեսիայի մասին է. Այնուամենայնիվ, դեպրեսիայի բազմաթիվ կողմեր սեռին կամ գենդերին հատուկ չեն:

Իմացե՛ք ավելին դեպրեսիայի մասին:

Որքա՞ն հաճախ է դեպրեսիան հանդիպում տղամարդկանց շրջանում

Դեպրեսիան տարածված է խնդիր է: Միջին հաշվով այն ազդում է 8 տղամարդուց 1-ի վրա՝ նրանց կյանքի ինչ-որ շրջանում: Դեպրեսիան նաև կարող է մարդկանց մղել ինքնասպանության փորձի: Ցավոք, այդ փորձերը որոշ դեպքերում կարող են հանգեցնել մահվան ելքի։

Ի՞նչն է տղամարդկանց մոտ պատճառում դեպրեսիա

Դեպրեսիայի ճշգրիտ պատճառը հայտնի չէ, և յուրաքանչյուր մարդու մոտ այն կարող է ունենալ առանձնահատուկ հիմքեր: Սովորաբար, դեպրեսիան առաջանում է կյանքի իրադարձությունների, անձնական գործոնների և գլխուղեղի փոփոխությունների համադրության պատճառով:

Որոշ մարդկանց համար կյանքի դժվարին իրադարձությունները կամ խնդիրները, ինչպիսիք են ընտանիքի անդամի մահը, գործազրկությունը, նախկինում կամ ներկայում բռնության ենթարկվելը կամ աշխատավայրում սթրեսը կարող են առաջացնել դեպրեսիա:

Երբեմն վերջերս տեղի ունեցած իրադարձությունը, ինչպիսին է ամուսնալուծությունը կամ աշխատանքը կորցնելը, կարող է խթանել դեպրեսիայի դրսևորմանը, եթե դուք արդեն այս վիճակի ռիսկի տակ եք:

Ձեզ մոտ դեպրեսիայի զարգացման ռիսկն ավելի մեծ է, եթե դուք՝

ունեք արյունակից հարազատ, ով ունի դեպրեսիա
ունեք ծանր կամ անբուժելի հիվանդություն
ունեք դեպրեսիայի հակվածությամբ բնավորություն, օրինակ՝ շատ եք անհանստանում կամ պերֆեկցիոնիստ եք (ձգում եք ամեն ինչում հասնել կատարյալ արդյունքների)
օգտագործում եք թմրամիջոցներ կամ չափից շատ ալկոհոլ եք խմում:

Loneliness can also increase your risk of developing depression.

Միայնակությունը նույնպես կարող է մեծացնել դեպրեսիայի զարգացման ռիսկը:

Երբեմն մարդկանց մոտ կարող է առաջանալ դեպրեսիա՝ առանց որևէ ակնհայտ պատճառի: Զուտ այն պատճառով, որ հստակ պատճառ չկա, դեռ չի նշանակում, որ դուք դեպրեսիա չունեք:

Որո՞նք են տղամարդկանց մոտ դեպրեսիայի նշանները

Դեպրեսիայի ախտանիշները տարբեր կերպ են ազդում տարբեր մարդկանց վրա։ Դրանք կարող են առաջացնել փոփոխություններ ձեր մտածելակերպի, հույզերի կամ վարքագծերի մեջ:

Օրինակ, դուք կարող եք զգալ՝

դյուրագրգռություն, զայրույթ կամ վրդովվածություն
թախիծ, տխրություն կամ դատարկություն
հիասթափություն
անվճռականություն կամ ճնշվածություն
անօգնականություն կամ անհուսություն
մեղավորություն:

Դուք կարող եք լցվել բացասական մտքերով, ինչպիսիք են՝

դուք որէև կարևորություն կամ արժեք չեք ներկայացնում (ցածր ինքնագնահատական)
մարդկանց ավելի լավ կլիներ առանց ձեզ
չարժե ապրել նման կյանքով
դուք անհաջողակ եք:

Դուք կարող եք սկսել ձեզ այլ կերպ պահել կամ այլ կերպ վարվել, օրինակ՝

չհանդիպեք ընկերների կամ ընտանիքի հետ
կորցնեք ձեր սովորական արդյունավետությունն աշխատավայրում կամ դպրոցում
խուսափեք աշխատանքային կամ մարզական գործունեությունից
չանեք բաներ, որոնց սովորաբար անհամբեր սպասում էիք
սկսեք ձեր խնդիրների լուծումը տեսնել թմրամիջոցների կամ ալկոհոլի չարաշայման մեջ
չկարողանաք կենտրոնանալ
դրսևորեք անխոհեմ վարք:

Դուք կարող եք նաև նկատել ֆիզիկական (մարմնական) նշաններ, ինչպիսիք են՝

քնելու դժվարությունը կամ հոգնածության զգացումը
ախորժակի փոփոխությունները
թուլության կամ վատառողջության զգացումը
սեռական ցանկության կորուստը կամ սեռայն գործունեության անկումը
գլխացավերը և մկանային ցավերը
ստամոքսի ցավը:

Գրեթե բոլորը երբեմն զգում են այս նշաններից մեկնումեկը կամ մի քանիսը: Եթե ձեր ախտանիշները հաճախ են հայտնվում կամ չեն անհետանում, կարող եք դեպրեսիա ունենալ: Դուք կարող եք ստուգել, թե արդյոք այն, ինչ դուք զգում եք, դեպրեսիա է՝ անցնելով PHQ-10 հարցումը:

Անցնել PHQ-10 հարցման առցանց տարբերակը:

Ե՞րբ է պետք դիմել օգնության

Դուք պետք է օգնության դիմեք և խոսեք ձեր բժշկի հետ, եթե՝

օրվա մեծ մասը ձեզ զգում եք տխուր կամ ընկճված
ունեք դեպրեսիայի ախտանիշներ 2 շաբաթ կամ ավելի
անհանգստացած եք, որ դուք կարող եք դեպրեսիա ունենալ:

Ձեր բժիշկը կարող է գնահատել ձեր վիճակը և, անհրաժեշտության դեպքում, աշխատել ձեզ հետ՝ կազմելու հոգեկան առողջության բուժման ծրագիր: Սա ծրագիր է, որը սահմանում է ձեր բուժման նպատակները և նախատեսում ձեզ հասանելի ծառայություններն ու ռեսուրսները: Եթե ձեր բժիշկը կարծում է, որ մեկ այլ առողջապահական մասնագետ, օրինակ՝ հոգեբանը կամ հոգեբույժը, պետք է ներգրավվի, կարող է ձեզ ուղղորդել որևէ մեկի մոտ, ով կարող է օգնել:

Եթե երբեմն դեպրեսիայի նշաններ կամ պարզապես ընկճված եք զգում, կարող եք դիմել ընկերոջ կամ ընտանիքի անդամի օգնությանը: Սովորական զրույցը կամ ձեզ դուր եկող բանով զբաղվելը կարող է օգտակար լինել:

Կարևոր է նաև շարունակել անել այն բաները, որոնք սովորաբար ձեզ հաճույք են պատճառել, նույնիսկ եթե հիմա չեք հետաքրքրվում դրանցով: Ի վերջո, ճիշտ աջակցության դեպքում դուք կրկին կգտնեք կյանքից հաճույք զգալու նախկին վիճակը և կսկսեք ձեզ ավելի լավ զգալ:

Ինչպե՞ս կարող եմ օգնել դեպրեսիա ունեցող տղամարդուն

Եթե կարծում եք, որ ձեր տղամարդ ընկերը կամ ընտանիքի անդամը կարող է դեպրեսիա ունենալ, կարող եք նրան օգնություն և աջակցություն առաջարկել:

Որոշ տղամարդկանց համար առանձնակի դժվար է կիսվել իրենց զգացմունքներով, բայց դուք կարող եք օգնել նրանց՝ ինքներդ նախաձեռնելով ձեր զրույցը: Հարցրեք նրանց, թե ինչպես են իրենց զգում և ցույց տվեք, որ ցանկանում եք աջակցել նրանց: Գտեք ժամանակ, երբ ձեր զրույցը սկսելու համար խանգարող հանգամանքներ չկան:

Երբեմն դեպրեսիա ունեցող տղամարդկանց կարող է թվալ, որ օգնության կարիք չունեն: Այս իրավիճակում լավագույն բանը, որ կարող եք անել, նրանց չհակառակվելն է, համբերատար լինելը և օգնելը, որ գնահատվի իրական վիճակը: Հիշեցրեք նրանց, որ դեպրեսիան հոգեկան առողջության լուրջ, բայց տարածված վիճակ է, որն ինքնուրույն՝ առանց օգնության, չի բարելավվի:

Ինչպե՞ս է բուժվում տղամարդկանց դեպրեսիան

Կան բազմաթիվ տարբեր տեսակի բուժումներ՝ կախված ձեր ախտանիշներից և դրանց ծանրության աստիճանից: Դուք պետք է սկսեք խոսել ձեր բժշկի հետ և մշակեք ձեր իրավիճակին համապատասխան բուժման ծրագիր:

Հաճախ մի քանի տեսակի բուժումների համակցությունն ապահովում է լավագույն արդյունքը: Դեպրեսիայի բուժման հիմնական մոտեցումներն են՝

դեղամիջոցներ
հոգեբանական բուժումներ
ֆիզիոթերապիա
գլխուղեղի խթանման թերապիաներ
ինքնօգնության կամ այլընտրանքային (օժանդակող) թերապիաներ:

Իմացե՛ք ավելին դեպրեսիայի բուժման մեթոդների մասին:

Դեղամիջոցներ

Հակադեպրեսանտները և տրամադրությունը կայունացնող դեղամիջոցներն ազդում են գլխուղեղի քիմիական գործընթացների վրա, որոնք վերահսկում են ձեր տրամադրությունը: Դրանց բուժական ազդեցությունը սովորաբար սկսում է դրսևորվել 4-ից 6 շաբաթ անց:

Հոգեբանական բուժումներ

Դեպրեսիայի համար օգտագործվող հոգեբանական բուժումներից են՝

կոգնիտիվ վարքաբանական թերապիա
միջանձնային թերապիա
հոգեթերապիա (փսիխոթերապիա)
խորհրդատվություն
առցանց թերապիա

Եթե զգում եք դեպրեսիա, ձեր բժիշկը կարող է խորհուրդ տալ այս բուժումներից մեկնումեկն առանձին կամ այլ տեսակների հետ զուգակցված:

Այլ բուժումներ

Գլխուղեղի խթանման թերապիաներից են՝

տրանսկրանիալ մագնիսային խթանում, որի ժամանակ գլխամաշկին տեղադրված էլեկտրամագնիսական գալարներով խթանվում է տրամադրությունը վերահսկող գլխուղեղի նյարդային բջիջները
էլեկտրակոնվուլսիվ թերապիա, որի ժամանակ անզգայացման ներքով իարականցվում է գլխուղեղի կարճատև էլեկտրական խթանում (առաջարկվում է դեղորայքի նկատմամբ կայուն ծանր դեպրեսիայի դեպքում)։

Ինքնօգնություն և այլընտրանքային մեթոդներ

Ինքնօգնության և այլընտրանքային բազմաթիվ մեթոդներ կարող են առաջարկվել առանձին կամ դեպրեսիայի այլ բուժումների հետ զուգակցված: Ուստի, կարևոր է, որ նախքան նման մեթոդներ փորձելը զրուցեք ձեր բժշկի հետ: Ինքնօգնության և այլընտրանքային թերապիաներից են՝