Օրգանիզմում հեղուկի պահպանում (այտուց)

Օրգանիզմում հեղուկի պահպանում (այտուց)
Անգլերեն անվանումը՝ Fluid Retention

Հեղուկի պահպանումը դրսևորվում է օրգանիզմի մեկ կամ մի քանի շրջաններում կենսաբանական հեղուկների կուտակման և այտուցի առաջացմամբ:

Եթե ձեզ մոտ առաջացել է հեղուկի պահպանման ախտանիշներ, դիմեք ձեր բժշկին, որ պարզվի նման վիճակի բուն պատճառը: Կան նաև այս խնդրի մեղմացմանն ուղղված ինքնօգնության մեթոդներ:

Ի՞նչ է հեղուկի պահպանումը

Օրգանիզմում հեղուկի պահպանումը կոչվում է նաև այտուց (oedema կամ edema): Այն ի հայտ է գալիս, երբ օրգանիզմի որևէ շրջանում զարգանում է արյան և ավշային շրջանառությունից դուրս եկած կենսահեղուկի կուտակում:

Օրգանիզմում հեղուկի պահպանումը և այտուցը կարող են դրսևորվել հետևյալ նշաններով՝

  • մաշկի տակ այտուցվածություն կամ փքում
  • այտուցված շրջանին մի քանի վայրկյան սեղմելիս մաշկն ուշացմամբ է վերադառնում է իր նախկին վիճակին («թորշոմած» այտուց)
  • մաշկը լարված է (հարթվել են առկա կնճիռները կամ ծալքերը) և փայլուն
  • մաշկի գունափոխում
  • վերջույթներում կամ հոդերում տեղակայված նքացող ցավեր
  • կշռի ավելացում
  • որովայնի չափսի տեսանելի մեծացում:

Եթե ձեզ մոտ ի հայտ են եկել այս նշաններից մեկնումեկը, ապա առանց հետաձգելու դիմեք ձեր բժշկին:

Եթե դուք ունեք օդի պակասի զգացում, հևոց կամ կրծքավանդակի շրջանի ցավեր, ապա անհապաղ դիմեք ձեր բժշկին: Այս նշանները կարող են վկայել թոքի այտուցի առկայության մասին (թոքերում հեղուկի պահպանում և կուտակում), որը պահանջում է անհետաձգելի բուժօգնություն:

Օրգանիզմում հեղուկի պահպանումը և այտուցը սովորաբար հանդես են գալիս որպես մեկ այլ հիվանդության ախտանիշներից մեկը: Սակայն այտուցն ինքնին կարող է առաջացնել ցավ, մաշկի վնասում և քայլելու հետ կապված դժվարություններ:

Հեղուկի պահպանման պատճառները

Որոշ մարդկանց օրգանիզմում հեղուկը կարող է պահպանվել տարբեր հիվանդությունների պատճառով, այդ թվում՝

Հեղուկն օրգանիզմում կարող է պահպանվել նաև որոշ դեղերի ազդեցությամբ, օրինակ՝

Եթե ձեր ձեռքի կամ ոտքի մի շրջանում հեղուկի կուտակումը տարածվում է դեպի վերև, ապա ձեզ մոտ կարող է լինել՝

  • ավշային համակարգի հետ կապված խնդիրներ, որի պատճառով հեղուկը հյուսվածքների չի դատարկվում և սկսում է կուտակվել
  • երակային խնդիրներ, օրինակ՝ խորանիստ երակների թրոմբոզ
  • ճարպի կուտակում, սովորաբար ոտքերում
  • այրվածք կամ այլ տեսակի վնասվածք:

Հեղուկը կարող է պահպանվել նաև հղիների, ավելցուկային կշռով կամ սննդանյութերի պակասով մարդկանց մոտ:

Հեղուկի պահպանման բուժումը

Բուժումը կախված է պատճառից, ուստի այս հարցով ճիշտ առաջին հերթին դիմել ձեր բժշկին:

Բազմաթիվ մարդիկ կարող են նշել, որ օրգանիզմում հեղուկի պահպանման հետ կապված խնդիրը մեղմացել է ավելի շատ ֆիզիկապես ակտիվ լինելու, առողջ սննդակարգին անցնելու, ալկոհոլի և կերակրի աղի օգտագործումը սահմանափակելու շնորհիվ:

Որոշ մարդկանց բժիշկը կարող է նշանակել միզամուղներ, որոնք խթանում են միզարտադրությունը և օգնում օրգանիզմից մեզի միջոցով ավելցուկային հեղուկի հեռացմանը: Այլ դեպքերում բժիշկը կարող է վերանայել իր իսկ կողմից նշանակած բուժումը:

Եթե հեղուկը կուտակվում է ձեր մարմնի միայն մի շրջանում, ապա դուք կարող եք որոշակիորեն օգնել ինձներդ ձեզ հետևյալ մեթոդներով՝

  • կրեք սեղմող գուլպաներ
  • մերսեք այտուցված վերջույթները՝ դեպի սիրտ ուղղությամբ
  • բարձրացրեք այտուցված վերջույթներն այնպես, որ դրանք լինեն ձեր սրտից ավելի բարձր մակարդակի վրա
  • կատարեք ձեր բժշկի հրահանգները և խորհուրդները:

Զրուցեք ձեր բժշկի հետ օգտագործվող կերակրի աղի քանակների թեմայով, քանի որ աղի ավելցուկն ինքնին կարող է նպաստել օրգանիզմում հեղուկի պահպանմանը:

Հոդվածը վերանայվել է՝ 06-06-2019