Առողջական խնդիրներ
Ֆոլատի դեֆիցիտ (պակաս)
2 րոպե
Ֆոլատի դեֆիցիտը կամ անբավարարությունը տարբեր երկրներում վիտամինային պակասի ամենատարածված տեսակներից մեկն է։
Ֆոլատի դեֆիցիտի մասին կարելի է մտահոգվել բոլոր այն դեպքերում, երբ չեք ստանում վիտամինի համարժեք քանակներ։ Մարդկանց մեծ մասը կարող է բավարար քանակով ֆոլատ ստանալ սննդի միջոցով, և միայն հազվադեպ կարող է առաջանալ ֆոլաթթվի հավելումներ ստանալու կարիք։
Ֆոլատի դեֆիցիտի հետ կապված ամենամեծ վտանգին ենթարկվում են հղի կանայք, քանի որ նման վիճակը կարող է բերել պտղի նյարդային խողովակի զարգացման արատի։
Ֆոլատի դեֆիցիտի հաջորդ վտանգը կապված է ֆոլատ-դեֆիցիտային անեմիայի հետ, երբ օրգանիզմը ստեղծում է նորմայից ավելի մեծ չափսեր ունեցող արյան կարմիր բջիջներ (էրիթրոցիտներ), որոնք նորմալ չեն գործում։
Իմացե՛ք ավելին վիտամին-դեֆիցիտային անեմիայի մասին:
Ֆոլատի դեֆիցիտի ռիսկի խմբերը
Ֆոլատի անբավարարության նկատմամբ ավելի մեծ ռիսկի են ենթարկվում հետևյալ խմբերը՝
- հղի կանայք
- մեծ տարիքով չափահասներ
- ալկոհոլ չարաշահող մարդիկ
- որոշ դեղեր ընդունող մարդիկ։
Եթե կարծում եք, որ պատկանում եք այս խմբերից մեկնումեկին, դիմեք ձեր բժշկին, որ երկուսով քննարկեք ձեր մտահոգության շրջանակները։
Ֆոլատի դեֆիցիտի ախտանիշները
Ֆոլատի դեֆիցիտի հիմնական ախտանիշներն են՝
- խիստ արտահայտված ընդհանուր թուլություն
- գլխացավեր
- մաշկի գունատություն
- բերանի խոռոչում վերքերի առկայության զգացում։
Ե՞րբ դիմել բժշկին
Ֆոլատի դեֆիցիտը կարող է առաջացնել լուրջ առողջական խնդիրներ, ուստի, եթե ֆոլատի անբավարարության կասկածի դեպքում զրուցեք բժշկի հետ։
Բժիշկը կարող է նշանակել ֆոլատի մակարդակի որոշման թեստ։ Սովորաբար միաժամանակ առաջարկվում է նաև վիտամին B12-ի թեստ։
Եթե ձեզ մոտ ախտորոշվել է ֆոլատի դեֆիցիտ, ձեր բժիշկը կարող է նշանակել ֆոլաթթվի հաբեր։
Հոդվածը տեղադրվել է՝ 25-05-2019 վերանայվել է՝ 26-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
