Պատճառներ - Գաստրոէնտերիտ

Գաստրոէնտերիտների բազմաթիվ տեսակներ իրենց բնույթով վարակային հիվանդություններ են (աղիքային վարակներ), որոնք հեշտությամբ տարածվում են։

Գաստրոէնտերիտի հիմնական պատճառը վիրուսներն են (ռոտավիրուս և նորովիրուս), որոնք առաջացնում են վիրուսային գաստրոէնտերիտ («ստամոքսի գրիպ»):

Երբեմն գաստրոէնտերիտ կարող է զարգանալ բակտերիալ վարակներից, օրինակ՝ սալմոնելա, բակտերիալ դիզենտերիա (շիգելա), կամպիլիբակտեր և այլն։ Ի տարբերություն վիրուսայինի, բակտերիալ գաստրոէնտերիտներն ունեն ավելի ծանր ընթացք և հաճախ առաջացնում արյունային լուծ, որովայնայինի ցավեր և կծկանքներ, ինչպես նաև կեղծ կղազատումներ (տենեզմ)։

Վարակիչ գաստրոէնտերիտը կարող է հեշտությամբ տարածվել։ Դուք կարող եք հիվանդանալ՝ շփվելով վարակված անձի, նրա փսխման զանգվածների կամ կղանքի հետ։

Վարակիչ գաստրոէնտերիտը կարող է տարածվել նաև սննդի կամ ջրի միջոցով։