Գաստրոէնտերիտներ

Գաստրոէնտերիտներ
Անգլերեն անվանումը՝ Gastroenteritis

Գաստրոէնտերիտը հիվանդություն է, որն ախտահարում է ձեր մարսողական համակարգը (ստամոքս, աղիքներ):

Գաստրոէնտերիտների բազմաթիվ տեսակներ իրենց բնույթով վարակային հիվանդություններ են և հեշտությամբ տարածվում են (աղիքային վարակներ)։

Դրանք սովորաբար ծանր ընթացք չեն ստանում, եթե չեն բերում արագ ջրազրկման։ Հիվանդության չափավոր ընթացքը կարող է մեղմանալ տնային պայմաններում հեղուկների ընդունմամբ։

Գաստրոէնտերիտի նշանները և ախտորոշումը

Եթե ձեզ մոտ զարգանում է ինքնազգացողության վատացում, փորլուծություն կամ փսխում, գուցե առկա է գաստրոէնտերիտ։ Բժիշկը կարող է ախտորոշել հիվանդությունը ձեզ հետ զրուցելուց և զննելուց հետո։ Եթե ձեր ինքնազգացողութունը չի բարելավվում, նա կարող է նշանակել փսխման զանգվածի կամ կղանքի լաբորատոր հետազոտութուն՝ ճշտելու հիվանդության պատճառը։

Գաստրոէնտերիտի բուժումը

Գաստրոէնտերիտի ամենակարևոր բուժումը հեղուկներ ընդունելն է։ Նման դեպքերում ավելի նպատակահարմար է հեղուկներն ընդունել փոքր չափաբաժններով, բայց հաճախակի։ Շարունակեք հեղուկներ խմելը նունիսկ այն դեպքում, երբ առկա է նողկանքի զգացում կամ փսխում։

Եթե հիվանդը երեխա կամ մանուկ է, ապա ճիշտ է ժամանակին բժշկին դիմելը։ Նման դեպքերում բժիշկը սովորաբար գնահատում է երեխայի ջրազրկման աստիճանը և ըստ անհրաժեշտության նշանակում ռեհիդրատացիոն հեղուկներ, որոնց նպատակը օրգանիզմի կորցրած ջրաաղային պաշարների վերականգնումն է։

Եթե դուք կամ ձեր երեխան մերժում եք կամ չեք կարողանում խմել ջուր, փորձեք ջրով նոսրացված մրգահյութեր (մեկ բաժին հյութ և չորս բաժին ջուր): Նման դեպքերում խուսափեք կաթ, ոչ ոգելից ըմպելիքներ (լիմոնադ և այլն) օգտագործելուց, քանի որ դրանցում պարունակվող շաքարը կարող է վատթարացնել փորլուծությունը։ Ախորժակի առկայության դեպքում կարելի է ընդունել չափավոր քանակի ոչ գրգռիչ սնունդ։

Նորածին և մանկահասակ երեխաները կարող են շարունակել կաթ ստանալը, սակայն պետք է հոգ տանել նաև ռեհիդրատացիոն հեղուկներ տալու մասին։ Փսխման կամ փորլուծութան դեմ դեղերը կարող են օգտակար լինել չափահասներին, սակայն կարող են նաև վտանգավոր դառնալ երեխաների համար։ Հակաբիոտիկները հազվադեպ են օգտակար լինում և պետք է օգտագործվեն միայն բժշկի նշանակմամբ։

Այն դեպքերում, երբ գաստրոէնտերիտը ստանում է սուր և ծանր ընթացք, անհրաժեշտություն է ծագում դիմել հիվանդանոց, որտեղ հավանաբար ձեզ կնշանակվի ներերակային կաթիլային ինֆուզիոն բուժում։

Ինչպե՞ս է գաստրոէնտերիտը տարածվում

Վարակիչ գաաստրոէնտերիտը կարող է հեշտությամբ տարածվել։ Դուք կարող եք հիվանդանալ՝ շփում ունենալով վարակված անձի կամ նրա փսխման զանգվածների կամ կղանքի հետ։ Վարակիչ գաստրոէնտերիտը կարող է տարածվել նաև սննդի կամ ջրի միջոցով։

Գաստրոէնտերիտի կանխարգելումը

Ձեր կողմից գաստրոէնտերիտը տարածելու կամ դրանով վարակվելու ռիսկը նվազեցնող ամենահասարակ, բայց և ամենաառաջնային միջոցը անձնական հիգիենայի կանոնները պահպանելն է, առաջին հերթին՝ ձեռքերը լավ լվանալը, հատկապես զուգարանից օգտվելուց հետո և սնունդ պատրաստելուց կամ ընդունելուց առաջ։

Գաստրոէնտերիտի առկայութան դեպքում կարևոր է տանը մնալը, հատկապես եթե ձեր աշխատանքը կապված է երեխաների, մեծահասակների, պացիենտների հետ։

Հոդվածը վերանայվել է՝ 09-05-2019