Գրադարան

Լյամբլիոզ. պատճառներ

Լյամբլիոզ. պատճառներ

Time Read 2 րոպե

Լյամբլիա մակաբույծները ապրում են մարդկանց և կենդանիների բարակ աղիներում:

Մինչև կղանքով օրգանիզմից դուրս գալը, մանրադիտակային մակաբույծները պարուրվում են կոշտ թաղանթների մեջ, որոնք կոչվում են ցիստեր, ինչը թույլ է տալիս ամիսներով գոյատևել աղիներից դուրս: Տիրոջ մեջ մտնելուց հետո կիստաները լուծվում են և մակաբույծներն ազատվում են:

Վարակումը տեղի է ունենում, երբ դուք պատահաբար կուլ եք տալիս մակաբույծների ցիստաներ: Դա կարող է տեղի ունենալ ոչ անվտանգ ջուր կուլ տալու, վարակված սնունդ ուտելու կամ վարակված անձի հետ շփման միջոցով:

Աղտոտված ջուր կուլ տալը

Լյամբլիայով վարակվելու ամենատարածված միջոցը ոչ անվտանգ (աղտոտված) ջուրը կուլ տալն է: Լյամբլիա մակաբույծները հայտնաբերված են լճերում, լճակներում, գետերում և առուներում, ինչպես նաև հանրային կոյուղիներում, հորերում, ջրամբարներում, լողավազաններում, ջրաշխարհներում և սպա-կենտրոններում: Ստորերկրյա և մակերևութային ջրերը կարող են վարակվել լյամբլիայով գյուղատնտեսական արտահոսքից, կեղտաջրերի արտահոսքից կամ կենդանիների կղանքից: Փամփերս հագած երեխաները և փորլուծություն ունեցող մարդիկ կարող են պատահաբար աղտոտել լողավազաններն ու սպա-կենտրոնները:

Աղտոտված սնունդ ուտելը

Լյամբլիա մակաբույծները կարող են տարածվել սննդի միջոցով՝ կամ այն ​​պատճառով, որ լյամբլիայով վարակված սննդամթերք մշակողները մանրակրկիտ չեն լվանում ձեռքերը կամ էլ այն ​​պատճառով, որ հում արտադրանքը ոռոգվում կամ լվացվում ոչ մաքուր (աղտոտված) ջրով: Սննդի պատրաստումը (եփումը) ոչնչացնում է լյամբլիաները, ուստի սնունդն ավելի քիչ տարածված վարակի աղբյուր է, քան ջուրը, հատկապես արդյունաբերական զարգացած երկրներում:

Անձից-անձ տարածում

Դուք կարող եք վարակվել լյամբլիայով, եթե ձեր ձեռքերը կեղտոտվեն կղանքով: Այս առումով, առանձնակի վտանգի տակ են երեխայի տակդիրները փոխող ծնողները, ինչպես նաև երեխաների խնամքի աշխատողները և երեխաների խնամքի կենտրոններում գտնվող երեխաները, որտեղ բռնկումներն ավելի ու ավելի հաճախ են հանդիպում: Լյամբլիա մակաբույծը կարող է տարածվել նաև հետանցքային (անալ) սեռական հարաբերության միջոցով։

Ռիսկի գործոններ

Լյամբլիան շատ տարածված աղիքային մակաբույծ է: Չնայած ցանկացած մարդ կարող է վարակվել լյամբլիա մակաբույծով, որոշ մարդիկ առանձնահատուկ ռիսկի տակ են:

  • Երեխաներ. լյամբլիոզը երեխաների մոտ շատ ավելի տարածված է, քան չափահասների մոտ: Երեխաներն ավելի հավանական է, որ շփվեն կղանքի հետ, հատկապես, եթե նրանք փամփերս են կրում, կարող են ինքնուրույն զուգարանից կամ պետքանոթից օգտվել կամ ժամանակ են անցկացնում մսուր-մանկապարտեզներում կամ երեխաների խնամքի կենտրոնում: Մարդիկ, ովքեր ապրում կամ աշխատում են փոքր երեխաների հետ, նույնպես ավելի բարձր ռիսկի են ենթարկվում:
  • Մարդիկ, ովքեր չունեն անվտանգ խմելու ջրի հասանելիություն. լյամբլիոզը տարածված է ամենուր, որտեղ սանիտարական պայմանները անբավարար են կամ ջուրն անվտանգ չէ խմելու համար: Դուք վտանգի տակ եք, եթե ճանապարհորդում եք այնպիսի վայրեր, որտեղ լյամբլիայի վարակը տարածված է, հատկապես, եթե ուշադիր չեք, թե ինչ եք ուտում և խմում: Ռիսկն ամենամեծն է գյուղական վայրերում կամ վայրի տեղանքում:
  • Մարդիկ, ովքեր հետանցքային (անալ) սեռական հարաբերություններ են ունենում. առանց պահպանակի կամ այլ պաշտպանության միջոցների հետանցքային (անալ) սեքսով կամ բարան-հետանցքային (օրալ-անալ) սեքսով զբաղվող մարդիկ ենթարկվում են լյամբլայի, ինչպես նաև սեռական ճանապարհով փոխանցվող վարակների մեծ ռիսկի:

Հոդվածը տեղադրվել է՝ 05-04-2023 վերանայվել է՝ 06-04-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով