Ոչ մի դեղամիջոց կամ պատվաստանյութ չի կարող կանխել լյամբլիայի վարակը:
Սակայն խելամիտ նախազգուշական միջոցները կարող են մեծապես նպաստել ձեր վարակվելու կամ վարակը ուրիշներին տարածելու հավանականության կրճատմանը:
- Լվացեք ձեր ձեռքերը. սա վարակների մեծ մասի կանխարգելման ամենապարզ և լավագույն միջոցն: Լվացեք ձեռքերը օճառով և ջրով առնվազն 20 վայրկյան՝ զուգարանից օգտվելուց կամ երեխայի տակդիրը փոխելուց հետո և ուտելուց կամ սնունդ պատրաստելուց առաջ։ Երբ օճառն ու ջուրը հասանելի չեն, կարող եք օգտագործել ալկոհոլային հիմքով ախտահանիչներ: Այնուամենայնիվ, ալկոհոլային ախտահանիչները արդյունավետ չեն լյամբլիայի ցիստաները ոչնչացնելու համար, որը գոյատևում է շրջակա միջավայրում:
- Մաքրեք և ախտահանեք ոչ խմելի ջուրը. խուսափեք ծանծաղ հորերից, լճերից, գետերից, աղբյուրներից, լճակներից և առուներից չմաքրված ջուր խմելուց, եթե նախ այն չզտեք կամ չեռացնեք առնվազն 10 րոպե 70 C ջերմաստիճանում:
- Լվացեք հում մթերքը. լվացեք ցանկացած հում մրգերը և բանջարեղեններն անվտանգ, չաղտոտված ջրով: Մրգերն ուտելուց առաջ մաքրեք կեղևը։ Խուսափեք հում մրգեր կամ բանջարեղեն ուտելուց, եթե ճանապարհորդում եք այնպիսի երկրներում, որտեղ դրանք կարող են շփվել ոչ մաքուր ջրի հետ:
- Լողալիս փակ պահեք ձեր բերանը. լողավազաններում, լճերում կամ առվակներում լողալու ժամանակ աշխատեք ջուր կուլ չտալ:
- Օգտագործեք միայն շշալցված ջուր. երբ ճանապարհորդում եք աշխարհի այն շրջանները, որտեղ ջրամատակարարումը, ամենայն հավանականությամբ, անվտանգ չէ, խմեք և խոզանակեք ձեր ատամները շշալցված ջրով, որը դուք ինքներդ եք բացում: Մի՛ օգտագործեք սառույց:
- Զբաղվեք ավելի ապահով սեռական կյանքով. եթե զբաղվում եք հետանցքային (անալ) սեռական հարաբերություններով, ամեն անգամ պահպանակ օգտագործեք։ Խուսափեք բարան-հետանցքային (օրալ-անալ) սեքսից, քանի դեռ լիովին պաշտպանված չեք:
Հոդվածը հրապարակվել է՝ 06-04-2023
Վերջին վերանայում՝ 06-04-2024