Գրադարան

Լյամբլիոզ. ախտանիշներ

Լյամբլիոզ. ախտանիշներ

Time Read 1 րոպե

Լյամբլիա վարակ ունեցող որոշ մարդիկ երբեք չեն ունենում գանգատներ կամ ախտանիշներ, ինչը բնավ չի նշանակում, որ նրանք չեն կարող կղանքով տարածել մակաբույծը:

Նրանք, ովքեր հիվանդանում են, գանգատներն ու ախտանիշները սովորաբար ի հայտ են գալիս վարակվելուց մեկից երեք շաբաթ անց և կարող են ներառել՝

  • ջրիկ, երբեմն՝ գարշահոտ փորլուծություն, որը կարող է փոխարինվել փափուկ, ճարպոտ կղանքով
  • հոգնածություն
  • ստամոքսի կծկանքային (սպաստիկ) ցավեր և փքվածություն (փորափքանք կամ մետեորիզմ)
  • գազեր
  • սրտխառնոց
  • քաշի կորուստ:

Լյամբլիոզի գանգատներն ու ախտանիշները կարող են տևել երկուսից մինչև վեց շաբաթ, սակայն որոշ մարդկանց մոտ դրանք կարող են ձգձգվել ավելի երկար կամ կրկնվել:

Ե՞րբ դիմել բժշկին

Զանգեք ձեր բժշկին, եթե ունեք թուլացած կղանք, ստամոքսի կծկանքներ (սպազմ) ու փքվածություն, ինչպես նաև մեկ շաբաթից ավելի տևող սրտխառնոց կամ եթե ջրազրկվել եք: Տեղեկացրեք ձեր բժշկին, եթե դուք կամ ձեր երեխան լյամբլիոզով վարակվելու ռիսկի տակ եք, օրինակ, ունեք երեխա խնամքի կենտրոնում կամ վերջերս մեկնել եք մի տարածաշրջան, որտեղ վարակը տարածված է կամ էլ դուք կամ ձեր երեխան ջուր եք կուլ տվել լճից կամ գետից:

Հոդվածը տեղադրվել է՝ 05-04-2023 վերանայվել է՝ 05-04-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով