Ախտանիշներ - Հիպոկալցեմիա

Որոշ մարդկանց մոտ, հատկապես կալցիումի մակարդակի քիչ նվազեցումը կարող է որևէ գանգատի կամ ախտանիշի չհանգեցնել:

Սակայն, երբ հիպոկալցեմիան ուղեկցվում է նյարդային համակարգի գործունեության խանգարման, նորածնի մոտ կարող են ի հայտ գալ մկանային կծկանքներ (սպազմ) կամ տրեմոր (դող):

Չափահասների մոտ հիպոկալցեմիան կարող է առաջացնել՝

• մկանային կծկանքներ (սպազմ)
• վերջույթներում ծակծկոցների կամ թմրածության զգացողություն (պարէսթեզիա)
• տրամադրության շեղումներ, օրինակ՝ անհանգստություն և տագնապ, դեպրեսիա կամ հոգեշարժական գրգռվածություն (աժիտացիա)
• հիշողության հետ կապված խնդիրներ
• արյան ճնշման անկում (հիպոտենզիա)
• խոսելու կամ կլման դժվարություններ
• թուլություն և հոգնածություն
• վերջույթների դող (պարկինսոնիզմ)
• տեսողական սկավառակի այտուց (պապիլոդեմա):

Սուր հիպոկալցեմիայի ախտանիշներից են՝

• մկանային ցնցումներ
• սրտի ռիթմի խանգարումներ (առիթմիա)
• կանգային սրտային անբավարարություն
• կոկորդի կծկանք (լարինգոսպազմ) կամ ձայնախոռոչի ցնցումներ:

Քրոնիկ հիպոկալցեմիան կարող է առաջացնել՝

• մաշկի չորություն
• եղունգների փխրունացում
• երիկամային քարեր կամ օրգանիզմում կալցիումական այլ կուտակումներ
• դեմենցիա (թուլամտություն)
• աչքի ոսպնյակի պղտորում (կատարակտ)
• էկզեմա:

Ե՞րբ դիմել բժշկին

Կապ հաստատեք ձեր բժշկի հետ, եթե ունեք վերոնշյալ ախտանիշներից մեկնումեկը կամ մի քանիսը: Նաև հաշվի առեք, որ մեղմ հիպոկալցեմիան կարող է որևէ արտաքին նշան չառաջացնել և հայտնաբերվել արյան թեստով: