Պատճառներ - Ծնոտի ուռուցք և կիստա

Ծնոտի օդոնտոգեն ուռուցքներն ու կիստաները առաջանում են այն բջիջներից և հյուսվածքներից, որոնք մասնակցում են ատամների նորմալ զարգացմանը:

Ծնոտային ուռուցքները նաև կարող են լինել ոչ օդոնտոգեն, ինչը նշանակում է, որ դրանք զարգացել են ծնոտի այլ հյուսվածքներից, որոնք կապված չեն ատամների հետ, օրինակ՝ ոսկորների կամ փափուկ հյուսվածքների բջիջներից: Ընդհանուր առմամբ, ծնոտի ուռուցքների և կիստաների առաջացման պատճառը հայտնի չէ, սակայն, որոշ դրանց տեսակները կապված են գենային փոփոխությունների (մուտացիաների) կամ գենետիկ համախտանիշների հետ:

Նևոիդ բազալ բջջային կարցինոմայի համախտանիշ (Գորլին-Գոլցի համախտանիշ) ունեցող մարդիկ չունեն ուռուցքները ճնշող գեն: Գենետիկ մուտացիան, որն առաջացնում է այս համախտանիշը, ժառանգական է: Համախտանիշը հանգեցնում է ծնոտների ներսում բազմաթիվ օդոնտոգեն կերատոկիստաների, բազմաթիվ բազալ բջջային մաշկային քաղցկեղի և այլ առանձնահատուկ վիճակների առաջացման: