Բուժում - Ծնոտի ուռուցք և կիստա

Ծնոտի ուռուցքների և կիստաների բուժման տարբերակները տարբեր են՝ կախված ձեր ունեցած ախտահարման տեսակից, գոյացության աճի փուլից և ձեր ախտանիշներից:

Բուժող բժիշկները նաև հաշվի են առնում ձեր բուժման նպատակները և բուժման առաջարկությունների վերաբերյալ ձեր անձնական նախապատվությունները:

Ծնոտի ուռուցքների և կիստաների բուժումը հիմնականում ներառում է վիրահատական միջամտություն: Որոշ դեպքերում բուժումը կարող է լինել դեղորայքի նշանակում կամ վիրահատության և դեղորայքային բուժման զուգակցում։

Վիրահատության ընթացքում վիրաբույժը հեռացնում է ձեր ծնոտի ուռուցքը կամ կիստան, որը կարող է ներառել մոտակա ատամների, հյուսվածքների և ծնոտի ոսկորների հեռացում, և հեռացված զանգվածի (նմուշի) ուղարկում լաբորատորոր հետազոտության: Բժիշկ-ախտաբանը (պաթոլոգ) տեղում հետազոտում է հեռացված հյուսվածքը (վերվիրահատական բիոպսիա) և միջամտության ընթացքում հայտնում ախտորոշման մասին, որ վիրաբույժն անմիջապես օգտագործի այս տեղեկատվությունը:

Այլ բուժումները կարող են ներառել՝

• ծնոտոսկրի և այլ կառուցվածքների ռեկոնստրուկցիա
• ծնոտի որոշակի տեսակի ուռուցքների և կիստաների դեղորայքային բուժում
• օժանդակող բուժում և խնամք՝ ձեր կյանքի որակը, այդ թվում՝ անհրաժեշտ սննդանյութերի ստանալը, խոսքի և կլման գործառույթները պահպանելու կամ կորցրած ատամները փոխարինելու համար:

Բուժումից հետո երկարատև վերահսկողությունը և ստուգումները կարող են հասցեագրել ծնոտի ուռուցքների և կիստաների հնարավոր կրկնությունները: Կրկնության վաղ հայտնաբերումը կարևոր է, որ դրանք հնարավոր լինի ժամանակին և պատշաճ բուժել: