Գրադարան

Նյարդային խզում․ ինքնօգնություն

Նյարդային խզում․ ինքնօգնություն

Time Read 2 րոպե

Նյարդային խզումից հետո ձեր լիրաժեք վերականգնումը հնարավոր է, որը կարող եք ավելի հեշտացնել՝ հետևելով մի շարք խորհուրդներին:

Նյարդային խզումն իրականում բժշկական տերմին չէ: Մարդիկ օգտագործում են այս արտահայտությունը, որպեսզի նկարագրեն ինչ-որ մեկին, ով չի կարողանում դիմակայել հոգեկան առողջության սուր խնդիրները կամ խիստ սթրեսը:

Կախված իրավիճակից, ախտորոշումից և ձեր ցանկությունից, նյարդային խզման բժշկական օգնությունը կարող է ներառել դեղեր և հոգեթերապիա: Ձեզ կարող է առաջարկվել սթրեսի և տագնապի դիմակայմանն ու հաղթահարմանն օգնող ապրելակերպի պարզ փոփոխություններ: Խորհրդատուն կարող է առաջարկել նաև սննդակարգի որոշ շտկումներ, ֆիզիկական վարժանքներ և առողջ քնի սովորույթների հմտություններ:

  • Առողջ սննդակարգը կարող է բարելավել ձեր ներուժը և կանխարգելել ընդհանուր թուլությունն ու անսովոր հոգնածությունը, բարելավել քունը և օգնել հիվանդությունների կանխարգելմանը: Դուք նաև կարող եք սահմանափակել կամ ժամանակավորապես խուսափել խթանող ազդեցությամբ սննդատեսակներից, օրինակ՝ կոֆեին պարունակող մթերքներից, որոնք կարող են նպաստել անհանգստության զգացմանը և խանգարել քունը:
  • Ֆիզիկական վարժանքներն իրենց հերթին կարող են օգնել կարճատև կամ երկարատև հիվանդությունների առաջացման կանխարգելմանը: Վարժանքը կարող է օգտագործվել որպես ինքներդ ձեզ համար ինչ-որ բան անելու միջոց, որը թույլ է տալիս կտրվել մտքերից, այլ գործերից ու դրանց հետ կապված սթրեսներից: Թիմային մարզաձևերն աջակցում են շփումներին և կարող են նվազեցնել մեկուսացման զգացումները: Վարժանքները նաև կարգավորում են ձեր տրամադրությունը և բարձրացնում ինքնագնահատականը, իսկ դրանց հետևող ֆիզիկական հոգնածությունը բարելավում է քունը:
  • Դուք կարող եք փորձել նաև ռելաքսացիայի մեթոդներից մեկնումեկը, օրինակ՝ մեդիտացիա կամ շնչառական վարժություններ: Նման մեթոդները կարող եք կիրառել այն ժամանակ, երբ զգում եք, որ ձեր սթրեսի մակարդակն աճում է: Իմացեք ձեր այդ նշանների մասին, որ կարողանաք դիմակայել սթրեսը, քանի դեռ այն չի զարգացել և դուրս չի եկել ձեր վերահսկողությունից:

Որոշ դեպքերում նյարդային խզումը կարող է վկայել հոգեկան առողջության ավելի լուրջ խնդրի առկայության մասին (տագնապային խանգարումներ կամ հետտրավմատիկ սթրեսային խանգարում): Նման դեպքերում պետք է հնարավորինս վաղ դիմել ձեր բժշկին կամ հոգեկան առողջության ծառայություն:

Հոդվածը տեղադրվել է՝ 20-05-2019 վերանայվել է՝ 11-05-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով