Իրականում անհնար է կանխարգելել անկանխատեսելի դեպքերը, որոնք հաճախ ավարտվում են դաստակի վնասվածքով:
Սակայն կան որոշ հմտություններ, որոնք կարող են որոշ չափով պաշտպանել ձեր դաստակը:
- Ամրապնդեք ձեր ոսկորները. 50-ն անց տարիքում կոտրվածքները կարելի է որոշ չափով կանխարգելել՝ ստանալով կալցիումի բավարար քանակներ (օրական 1000 մգ՝ տղամարդկանց և 1200 մգ՝ կանանց համար): Օգտակար կարող է լինել նաև սննդակարգում կալցիումով հարուստ ցածր յուղայնության կաթնամթերք նախատեսելը:
- Կանխարգելեք վայր ընկնելը. դաստակի վնասվածքների մեծ մասի պատճառը ձեռքը պարզած վիճակում վայր ընկնելն է: Կանխեք նման դեպքերը՝ կրելով համապատասխան չափսի հարմար կոշիկ կամ հողաթափիկ, դարձնելով ձեր սենյակը բավարար լուսավոր, չոր պահելով լոգասենյակի հատակը կամ փռելով չսայթաքող գորգիկներ, նախատեսելով հուսալի բռնակներ կամ ճաղավանդակներ «վտանգավոր» տեղերում և այլն: Նույն նպատակի համար, չափավորեք ալկոհոլի օգտագործումը կամ ձեր արյան ճնշումը և շաքարի մակարդակը պահեք թույլատրելի միջակայքում և հետևեք ձեր բժշկի նշանակումներին, որ խուսափեք հանկարծակի գլխապտույտից կամ ուշաթափության բերող վիճակներից:
- Մարզվելիս և խաղալիս կրեք պաշտպանական միջոցներ. ֆուտբոլով և այլ կոնտակտային մարզաձևերով կամ չմուշկով զբաղվելիս կարող եք կրել դաստակի ֆիքսատոր, էլաստիկ ժապավեն կամ որևէ այլ պաշտպանիչ միջոց:
- Ուշադրություն դարձրեք էրգոնոմիկային. եթե երկար ժամանակ նստած եք համակարգչի առաջ, պարբերաբար ընդմիջեք ձեր գործը: Երբ ստեղնաշարի վրա գործ եք անում, պահեք ձեր դաստակը թույլ և չեզոք դիրքում, այլ ոչ թե՝ լարված և անբնական ծռված: Հնարավորության դեպքում օգտագործեք էրգոնոմիկ ստեղնաշար:
Հոդվածը հրապարակվել է՝ 16-03-2021
Վերջին վերանայում՝ 22-04-2024