Գրադարան

Ականջի բարոտրավմա. բուժում

Ականջի բարոտրավմա. բուժում

Time Read 1 րոպե

Մարդկանց մեծամասնության համար «ինքնաթիռային (օդանավային) ականջը» սովորաբար ժամանակի ընթացքում լավանում է:

Երբ ձեր ախտանիշները շարունակվում են, բժիշկը կարող է առաջարկել բուժում՝ ճնշումը հավասարեցնելու և ախտանիշները թեթևացնելու համար:

Դեղորայքային բուժում

Ձեր բժիշկը կարող է խորհուրդ տալ, որ օգտագործեք՝

  • դեկոնգեստանտային քթային ցողացիրներ (սփրեյ)
  • բերանային (օրալ) դեկոնգեստանտներ:

Գանգատները և անհարմարավետությունը թեթևացնելու համար կարող եք ընդունել որևէ ոչ ստերոիդ հակաբորբոքային դեղամիջոց, ինչպիսիք են Իբուպրոֆենը (Ադվիլ, Մոտրին IB և այլն) կամ Նապրոքսեն նատրիումը (Ալեվե) կամ ցավազրկող դեղամիջոց, ինչպիսին է Ացետամինոֆենը (Պարացետամոլ, Թայլենոլ և այլն):

Ինքնօգնության թերապիաներ

Ձեր բժիշկը նաև կցուցադրի, թե դեղորայքային բուժման ընթացքում ինչպես կատարել Վալսալվայի հնարքը: Դա անելու համար դուք սեղմում եք քթանցքները, փակում ձեր բերանը և օդը թույլ մղում քթի հետևի մասի մեջ, կարծես քիթը փչում եք:

Վիրահատություն

Ականջի բարովնասվածքի վիրահատական բուժումը խիստ հազվադեպ է անհրաժեշտ լինում: Նույնիսկ ծանր վնասվածքները, ինչպիսիք են թմբկաթաղանթի պատռվածքը կամ ներքին ականջի թաղանթների պատռվածքը, սովորաբար ինքնուրույն ապաքինվում են:

Այնուամենայնիվ, հազվադեպ կարող է առաջանալ ամբուլատոր միջամտության կամ վիրահատության կարիք: Սա կարող է ներառել մի միջամտություն, որի ժամանակ ձեր ականջի թմբկաթաղանթի վրա կատարվում է փոքրիկ կտրվածք (միրինգոտոմիա)՝ օդի ճնշումը հավասարեցնելու և կուտակված հեղուկի արտահոսք (դրենավորում) ապահովելու համար:

Հոդվածը տեղադրվել է՝ 30-11-2023 վերանայվել է՝ 30-11-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով