Գրադարան
Ագորաֆոբիա. պատճառներ
1 րոպե
Կենսաբանությունը, ներառյալ առողջական վիճակները և գենետիկան՝ անհատականությունը, սթրեսը և սովորելու փորձը կարող են դեր խաղալ ագորաֆոբիայի զարգացման մեջ:
Ագորաֆոբիան կարող է սկսվել մանկական տարիքում, սակայն սովորաբար դրսևորվում է դեռահասության ավարտին կամ վաղ հասուն տարիքում՝ մինչև 35 տարեկանը: Այնուամենայնիվ, մեծ տարիքով չափահասների մոտ նույնպես կարող է ագորաֆոբիա զարգանալ: Իգական սեռի մոտ ագորաֆոբիա ախտորոշվում է ավելի հաճախ, քան արական սեռի մոտ:
Ռիսկի գործոններ
Ագորաֆոբիայի ռիսկի գործոնները ներառում են հետևյալը:
- Խուճապային (պանիկ) խանգարում կամ ավելցուկային վախի այլ ռեակցիաներ ունենալը, որոնք կոչվում են ֆոբիաներ:
- Խուճապի նոպաներին չափից շատ վախով և խուսափումով արձագանքելը:
- Կյանքի սթրեսային իրադարձություններին ենթարկվելը, ինչպիսիք են բռնությունը, ծնողի մահը կամ ֆիզիկական հարձակման ենթարկվելը:
- Անհանգիստ կամ նյարդային անհատականություն ունենալը:
- Ագորաֆոբիա ունեցող արյունակից ազգական ունենալը:
Հոդվածը տեղադրվել է՝ 15-07-2023 վերանայվել է՝ 15-07-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
