Ագորաֆոբիայի կանխարգելման որևէ հստակ միջոց չկա:
Սակայն, անհանգստությունը կամ տագնապը հակված են ուժգնանալու, որքան ավելի շատ խուսափեք իրավիճակներից, որոնցից վախենում եք:
Եթե դուք սկսում եք թեթև մտավախություն ունենալ անվտանգ վայրեր գնալու վերաբերյալ, փորձեք հաճախել այդ վայրերը: Սա կարող է օգնել ձեզ ավելի հարմարավետ զգալ նմանատիպ վայրերում: Եթե դա չափազանց դժվար է ինքնուրույն անել, խնդրեք ընտանիքի անդամին կամ մոտիկ ընկերոջը, որ ուղեկցի ձեզ կամ դիմեք մասնագետի օգնությանը:
Եթե դուք անհանգստություն եք զգում որևէ տեղ գնալիս կամ խուճապի նոպաներ եք ունենում, հնարավորինս շուտ դիմեք բուժօգնության: Վաղ օգնություն ստացեք, որ ախտանիշները չվատթարանան: Տագնապը, ինչպես հոգեկան առողջության շատ այլ վիճակներ, կարող է ավելի դժվար լինել բուժել, եթե փորձեք սպասել կամ բուժօգնության դիմելը ձգձգել:
Հոդվածը հրապարակվել է՝ 15-07-2023
Վերջին վերանայում՝ 04-04-2024