Բարթոլինյան կիստա (բուշտ)

​Բարթոլինյան կիստան առաջանում է, երբ հեշտոցի նախադռան մեծ՝ Բարթոլինյան գեղձերի ծորանները խցանվում են:

Նման դեպքերում բժիշկը կանանց կարող է նշանակել հակաբիոտիկներ, սակայն երբեմն անհրաժեշտ է լինում կատարել այդ բշտի վիրահատական հեռաում:

Ի՞նչ են բարթոլինյան գեղձերը

Բարթոլինյան գեղձերը գտնվում են կանանց հեշտոցի նախադռան երկու կողմերում և արտադրում են լորձային հեղուկ, որն օծում է հեշտոցի պատերը և ապահովում մշտական խոնավ միջավայրը:

Բարթոլինյան գեղձի գործունեությունը կախված է հորմոնային հավասարակշռությունից. եթե նախադաշտանային շրջանում լորձաթաղանթներում հյութն առատ է իսկ ցիկլից դուրս ընկած ժամանակահատվածում` քիչ, ապա դաշտանադադարի (կլիմաքս) ժամանակ կամ հորմոն արտադրող ձվարանների հեռացման վիրահատություններից հետո հյութազատությունը գրեթե դադարում է, որի հետևանքով հեշտոցը դառնում է չոր՝ պատվելով մանր ճաքերով և ուղեկցվելով քորով:

Ի՞նչն է բարթոլինյան կիստայի պատճառը

Երբեմն այս գեղձերը խցանվում են, և արտադրված հեղուկը մնում և սկսում է կուտակվել՝ առաջացնելով բարթոլինյան կիստա կամ բուշտ: Երբ այս հեղուկը վարակվում է, կարող է առաջանալ թարախ, իսկ բուշտը վերածվել թարախաբշտի (աբսցես):

Սովորաբար կիստա կամ թարախաբուշտ առաջանում է հեշտոցի նախադռան մեկ կողմում: Այս կիստաները կարող են կրկնվել:

Բարթոլինյան կիստայի ախտանիշները

Դուք կարող եք ունենալ բարթոլինյան կիստա և չնշել որևէ պատճառ, սակայն կիստան կարող է այնքան մեծանալ, որ դուք ինքներդ ձեր հեշտոցի նախադռան շրջանում զգաք ուռածություն:

Եթե կիստան վարակվում է, դուք կարող եք նշել՝

Բարթոլինյան կիստայի ախտորոշումը և բուժումը

Եթե կիստան ցավ կամ անհարմարավետություն չի պատճառում, գուցե որևէ բուժման կարիք չզգաք: Երբեմն տնային պայմաններում ախտահարված շրջանը տաք վաննա դնելը կարող է օգնել, որ կիստան ինքնուրույն բացվի և դատարկվի:

Այցելեք ձեր բժշկին, եթե այսպիսի բուժմամբ երեք օրվա ընթացքում կիստան չի փոքրանում: Եթե ցավերն ուժեղ են, ապա առանց ուշացնելու դիմեք ձեր բժշկին: Բժիշկը կարող է ցանկանալ բացառելու քաղցկեղը, հատկապես, եթե դուք 40-ն անց եք:

Բուժման տեսակը կախված է

  • կիստայի մեծությունից
  • կիստայի ցավոտությունից
  • կիստայի վարակված լինելուց
  • կիստայի քաղցկեղածին լինելուց:

Բժիշկը կարող է իրականացնել ներքին զննում և նշանակել հեշտոցային արտադրուկի լաբորատոր հետազոտություն: Կարող է առաջանալ նաև կիստայի դրենավորման և հակաբիոտիկներ ստանալու կարիք: Հազվադեպ բժիշկը կարող է առաջարկել վիրահատական բուժում:

Հոդվածը վերանայվել է՝ 02-02-2021