Բուժում - Միզապարկի քարեր

Շատ ջուր խմելը կարող է օգնել փոքրիկ քարը բնական ճանապարհով՝ մեզով հեռանալու համար:

Այնուամենայնիվ, միզապարկի քարերը հաճախ առաջանում են միզապարկն ամբողջությամբ դատարկելու դժվարության պատճառով, ուստի լրացուցիչ ջուրը կարող է բավարար չլինել քարի՝ միզուկով ինքնուրույն հեռացման համար:

Շատ ժամանակ ձեզ հարկավոր է հեռացնել քարերը: Դա անելու մի քանի եղանակ կա:

Քարերի փշրում

Մեթոդներից մեկի դեպքում ձեզ սկզբում տրվում է անզգայացնող դեղամիջոց կամ ընդհանուր անզգայացում: Դրանից հետո ձեր միզապարկի մեջ տեղադրվում է փոքրիկ խողովակ, որի վերջում տեսախցիկ է, որի միջոցով ձեր բժիշկը տեսնում է առկա քարը: Այնուհետև լազերային, գերձայնային կամ այլ սարքը մանր կտորների է փշրում քարը և լվալով մաքրում դրանք միզապարկից:

Վիրահատական հեռացում

Հազվադեպ, միզապարկի քարերը մեծ կամ դժվար փշրվող են: Այս դեպքում ձեր բժիշկը վիրահատական ճանապարհով ձեր միզապարկից կհեռացնի քարերը:

Եթե ձեր միզապարկի քարերը միզապարկի ելքի խցանման (որտեղից սկսվում է միզուկը) կամ մեծացած շագանակագեղձի հետևանք են, այս խնդիրները պետք է բուժվեն միզապարկի քարերի հետ միաժամանակ, սովորաբար՝ վիրահատությամբ: