Պատճառներ - Ձեռքի կոտրվածք

Ձեռքի կոտրվածքի ընդհանուր պատճառները ներառում են հետևյալը:

• Վայր ընկնելը. առաջ պարզած ձեռքի կամ արմունկի վրա ընկնելը ձեռքի կոտրվածքի ամենատարածված պատճառն է:
  
• Մազական վնասվածքներ. ուղիղ հարվածներն և խաղադաշտում (դաշտ, ռինգ, կորտ և այլն) վնասվածքները կարող են առաջացնել բոլոր տեսակի ձեռքի կոտրվածքները:
• Զգալի տրավմա. ձեր ձեռքի ոսկորներից որևէ մեկը կարող է կոտրվել ավտովթարի, հեծանվային վթարի կամ այլ ուղղակի տրավմայի ժամանակ:
• Երեխաների բռնություն. երեխաների մոտ ձեռքի կոտրվածքը կարող է հանդիսանալ երեխայի բռնության հետևանք:

Ռիսկի գործոններ

Որոշ առողջական վիճակներ կամ ֆիզիկական զբաղմունքներ կարող են մեծացնել ձեռքի կոտրվածքի ռիսկը:

Որոշ մարզաձևեր

Ցանկացած մարզաձև, որը ներառում է ֆիզիկական շփում կամ մեծացնում է ընկնելու վտանգը, ներառյալ ամերիկյան ֆուտբոլը, ֆուտբոլը, մարմնամարզությունը, դահուկավազքը և սքեյթբորդինգը, նույնպես մեծացնում է ձեռքի կոտրվածքի ռիսկը:

Ոսկրային խանգարումներ

Այն վիճակները, որոնք թուլացնում են ոսկորները, ինչպիսիք են օստեոպորոզը և ոսկրային ուռուցքները, մեծացնում են ձեռքի կոտրվածքի ռիսկը: Այս տեսակի կոտրվածքը հայտնի է որպես ախտաբանական (պաթոլոգիական) կոտրվածք: