Ախտանիշներ - Ձեռքի կոտրվածք

Խրթոցը (կրեպիտացիա) կամ ճաքի ձայնը կարող է լինել ձեր ձեռքը կոտրելու առաջին նշանը:

Գանգատներն ու ախտանիշները ներառում են՝

• ուժեղ ցավ, որը կարող է սաստկանալ ձեռքը շարժելիս
• այտուց
• արյունազեղում
• տձևացում կամ ձևափոխում (դեֆորմացիա), օրինակ՝ անբնական թեքված կամ ծռված ձեռք կամ դաստակ
• դաստակը շարժելու կամ պտտելու անկարողություն:

Ե՞րբ դիմել բժշկին

Եթե ձեր ձեռքում զգալի ցավ ունեք, որը չի թողնում, որ ձեր վերջույթը նորմալ օգտագործեք, անմիջապես դիմեք ձեր բժշկին: Նույնը վերաբերում է ձեր երեխային: Կոտրված ձեռքի ախտորոշման և բուժման հետաձգումը, հատկապես երեխաների մոտ, որոնք ավելի արագ են ապաքինվում, քան չափահասները, կարող են հանգեցնել վատ ապաքինման կամ ոչ ճիշտ կպման: